మీరు చాలా లావుగా కనిపిస్తున్నారు... సంజన గణేశ్‌కు బాడీ షేమింగ్..

భారత క్రికెట్ జట్టు పేసర్ జస్ప్రీత్ బుమ్రా భార్య సంజన గణేశ్‌కు తీవ్ర అవమానం ఎదురైంది. ఆమె శరీరాకృతిపై విమర్శలు వచ్చాయి. తనను బాడీ షేమింగ్‌కు పాల్పడిన వ్యక్తికి ఆమె సీరియస్ వార్నింగ్ ఇచ్చింది. ఆమె వాలెంటైన్స్ డే ప్రమోషనల్ పోస్టుకు ఓ ఇన్‌స్టా యూజర్ బాడీ షేమింగ్ గురించి కామెంట్స్ చేశారు. "భాభీ మోటీ లగ్ రహీ హై(మీరు చాలా లావుగా కనిపిస్తున్నారు) అంటూ కామెట్స్ చేశారు. దీనికి సంజన గణేశ్ తీవ్ర స్థాయిలో స్పందించారు. 

"నీకు స్కూల్ సైన్స్ పాఠ్య పుస్తకాలు కూడా గుర్తున్నట్టు లేదు. మహిళల శరీరంపై కామెంట్ చేస్తావా? ఎంత ధైర్యం? పో.." అంటూ  తీవ్రంగా స్పందించారు. ఆమె రిప్లైకు నెటిజన్లు స్పందిస్తూ అభినందిస్తున్నారు. కాగా గాయం కారణంగా కొంతకాలం పాటు జట్టుకు దూరమైన జస్ప్రీత్ బూమ్రా... వచ్చే గురువారం నుంచి రాజ్‌కోట్ వేదికగా పర్యాటక ఇంగ్లండ్ జట్టుతో జరిగే మూడో టెస్ట్ మ్యాచ్‌కు సిద్ధమయ్యాడు. వైజాగ్ టెస్టులో విజయంలో కీలక పాత్ర పోషించిన బుమ్రా... ఈ మ్యాచ్‌లో ఏకంగా తొమ్మిది వికెట్లు తీసిన విషయం తెల్సిందే. తనకు ఖాళీ సమయం దొరికినపుడల్లా ఆయన తన కుటుంబ సభ్యులతో గడుపుంటారు. కాగా, బుమ్రా - సంజల దంపతులకు పండంటి బిడ్డ జన్మించిన విషయం తెల్సిందే.