అచ్చం హాలీవుడ్ హీరోలా హెలికాఫ్టర్‌ ద్వారా స్టేడియంలో దిగాడు?

David Warner

ఆస్ట్రేలియా ఆట‌గాడు డేవిడ్ వార్న‌ర్ సంప్రదాయ క్రికెట్, వన్డేలకు బైబై చెప్పేశాడు. ఇక టీ20 లీగ్‌లో మెర‌వ‌నున్నాడు. అది కూడా సొంత గ‌డ్డ‌పై జ‌రుగుతున్న‌ బిగ్‌బాష్ లీగ్‌లో ఈ స్టార్ బ్యాట‌ర్ ఆడ‌నున్నాడు. బీబీఎల్‌లో తొలి మ్యాచ్ కోసం ఈ డాషింగ్ బ్యాట‌ర్ హెలికాప్టర్ వాడాడు. 

అచ్చం హాలీవుడ్ హీరోలాగా హెలిక్యాప్ట‌ర్‌లో సిడ్నీ స్టేడియంలోనే నేరుగా దిగాడు. ఈ ఘటనకు సంబంధించిన వీడియో ప్ర‌స్తుతం సోషల్ మీడియాలో వైర‌ల్ అవుతోంది. జ‌న‌వ‌రి 12 శుక్ర‌వారం సాయంత్రం సిడ్నీ సిక్స‌ర్స్‌తో వార్న‌ర్‌ మ్యాచ్ ఆడాల్సి ఉంది. 

దీనికోసం హంట‌ర్ హ్యలీ ప్రాంతంలో వార్న‌ర్ సోద‌రుడి పెండ్లికి హాజరైన వార్న‌ర్.. అక్క‌డి నుంచి 250 కిలోమీట‌ర్ల దూరంలో ఉన్న సిడ్నీ క్రికెట్ గ్రౌండ్‌కు ప్రైవేట్ హెలిక్యాప్ట‌ర్‌లో బ‌య‌లుదేరాడు. ఔట్‌ఫీల్డ్‌లో హెలిక్యాప్ట‌ర్ ల్యాండ్ కాగానే దిగి గ‌బ‌గ‌బా బ్యాటింగ్ ప్రాక్టీస్‌కు సిద్ధ‌మ‌య్యాడు.