కోవిడ్ వ్యాక్సిన్ ఎవరు వేసుకోవాలి? వేసుకున్నవారు ఏ జాగ్రత్తలు తీసుకోవాలి?

1. జ్వరంగా ఉన్నప్పుడు వ్యాక్సిన్​ వేసుకోవద్దు. పూర్తిగా తగ్గిన తర్వాతనే వేసుకోవాలి.

2. అలర్జీల లాంటివేవైనా ఉంటే తగ్గిన తర్వాతనే వ్యాక్సిన్​ వేసుకోవాలి.

3. మొదటి డోసు వేసుకున్న తర్వాత ఏవైనా ఇబ్బందులు ఏర్పడితే రెండో డోసు వేసుకోకూడదు.

4. బలహీనమైన వ్యాధి నిరోధక శక్తి ఉన్నవారు, రోగనిరోధక శక్తిపై ప్రభావం ఉన్న మందులు వాడేవారు, గర్భిణులు, అవయవ మార్పిడి చేయించుకున్నవారు వ్యాక్సిన్​ వేసుకోకపోవడమే మంచిది.

5. బాలింతలు, పిల్లలకు పాలు ఇచ్చే తల్లులు వ్యాక్సిన్​ వేసుకోవద్దు.

6. బ్లీడింగ్​ సమస్యలు ఉన్నవారు డాక్టర్ల అనుమతి తీసుకున్న తర్వాతే వ్యాక్సిన్​ వేసుకోవాలి.

7. ప్లాస్మా ఆధారిత చికిత్స తీసుకున్న కరోనా పేషెంట్లు వ్యాక్సిన్​ వేసుకోవద్దు.

8. హెచ్​ఐవీ పేషెంట్లు, రక్తం గడ్డకట్టకుండా ఉండే సమస్య ఉన్నవారు వ్యాక్సిన్​ వేసుకోవద్దు.

9. డయాబెటిస్, బీపీ​ అదుపులో ఉంటేనే వ్యాక్సిన్​ వేసుకోవాలి.

10. క్యాన్సర్​ రోగులు, కీమో థెరపీ చేయించుకున్నవారు డాక్టర్ల సలహా ప్రకారం నడుచుకోవాలి.

వ్యాక్సిన్ వేసుకున్నవారు తీసుకోవాల్సిన జాగ్రత్తలు..

1. వ్యాక్సిన్​ వేసిన చోట నొప్పి, జ్వరం వంటి సైడ్​ ఎఫెక్ట్స్​ ఉంటాయి. భయపడకూడదు.

2. చలి, ఆలసట, ఇతర దుష్ప్రభావాలు ఉంటాయి. అయితే ఇవి కొద్ది రోజుల్లోనే తగ్గిపోతాయి.

3. టీకా వేసుకున్న తర్వాత కూడా యథావిధిగా కరోనా జాగ్రత్తలు పాటించాల్సిందే.

4. వ్యాక్సిన్​ తీసుకునే ముందు, తీసుకున్న తర్వాత కూడా మంచినీళ్లు ఎక్కువగా తాగాలి. అప్పుడే శరీరం డీహైడ్రేషన్​ బారిన పడకుండా ఉంటుంది. అలాగే సైడ్​ ఎఫెక్ట్​లను తగ్గిస్తుంది.

5. ఆల్కహాల్​ తీసుకోకూడదు. వ్యాక్సిన్​ తీసుకున్నవారు నెలన్నర రోజులకు పైగా మద్యం ముట్టరాదు. తాగితే లింఫోసైట్​ కణాలు సగానికి సగం పడిపోతాయి. దీంతో ఇమ్యూనిటీ పవర్​ దెబ్బతింటుంది.

6. ప్రాసెసింగ్​ ఫుడ్​, జంక్​ ఫుడ్​ తీసుకోవద్దు. మంచి తృణధాన్యాలతో కూడిన బలవర్ధకమైన హెల్దీ ఫుడ్​ తీసుకోవాలి. పీచు ఎక్కువగా ఉండే ఆహారానికి ప్రాధాన్యమివ్వాలి.

7. వ్యాక్సిన్​ వేసుకున్న తర్వాత మూడు నెలలు పిల్లలను కనకుండా జాగ్రత్త పడాలి. అంటే కండోమ్​ ధరించి మాత్రమే సెక్స్​లో పాల్గొనాల్సి ఉంటుంది. లేకుంటే గర్భం వస్తే పిల్లల ఆరోగ్యంపై ఎఫెక్ట్​ పడే అవకాశం ఉంటుంది.