బ్రిటన్‌ను కొత్త కరోనా వేరియంట్.. ఈజీ5.1 (ఎరిస్).. అలెర్ట్

బ్రిటన్‌ను కొత్త కరోనా వేరియంట్ వణికిస్తోంది. కరోనా వైరస్ కోరల నుంచి ప్రపంచం పూర్తిగా బయటపడిందనుకునే లోపు బ్రిటన్‌లో కరోనా కొత్త వేరియంట్ బయటికి వచ్చింది. 

కరోనా వైరస్‌లో కొత్తరకం వేరియంట్ ఒమిక్రాన్ వేరియంట్‌ నుంచి పుట్టుకొచ్చిన ఈజీ5.1 (ఎరిస్) అనే ఈ కొత్త రకం వేరియంట్ వేగంగా వ్యాప్తి చెందుతూ జనాన్ని భయపెడుతోంది. 

దేశంలో కొత్తగా నమోదవుతున్న కొవిడ్ కేసుల్లో దీనివాటా 14.6 శాతంగా ఉన్నట్టు ఆరోగ్య శాఖ అధికారులు తెలిపారు. ఈ వేరియంట్‌తో తీవ్ర ఇన్ఫెక్షన్ వస్తుందన్న సూచనలు కనిపించలేదని పేర్కొంది. బ్రిటన్‌లోనే కాదు అంతర్జాతీయంగానూ ఈ కేసులు పెరుగుతున్నట్టు అధికారులు చెప్తున్నారు. 

కరోనా టీకాలు తీసుకున్నా, ఒకసారి కరోనా బారినపడి కోలుకున్నా కూడా ఈ విషయంలో అప్రమత్తంగా ఉండాలని ప్రపంచ ఆరోగ్య సంస్థ హెచ్చరించింది.