ఆనందయ్య మందును తీసుకునేందుకు కోవిడ్ రోగులు వెళ్లకండి

ఆనందయ్య మందుపై సీఎం వైయస్‌ జగన్‌ సమీక్షించారు. ఈ సమావేశంలో సీసీఆర్‌ఏఎస్‌ సహా పలు సంస్థలు ఇచ్చిన నివేదికల్లోని అంశాలను ముఖ్యమంత్రికి వివరించారు ఆయుష్‌ కమిషనర్‌ వి.రాములు, ఇతర అధికారులు.

అధికారులు ఏమన్నారంటే :

– ఆనందయ్య మందు వాడితే కోవిడ్‌ తగ్గిందనడానికి ఆధారాలు లేవు: 

– ఆనందయ్య  పి, ఎల్, ఎఫ్, కె, అనే నాలుగు మందులతో పాటు, కంట్లో డ్రాప్స్‌ వేస్తున్నారు: 

– కాని, మా కమిటీ ముందు ముడిపదార్థాలు లేనందున కె అనే మందు తయారీని చూపించలేదు : 

– పీ, ఎల్, ఎఫ్‌లతో పాటు  కంటిలో ఇచ్చే డ్రాప్స్‌ మాత్రమే చూపించారు: కల్నల్‌ వి.రాములు.

– కంటి డ్రాప్స్‌ కు సంబంధించి కొన్ని రిపోర్టులు రావాల్సి ఉంది:

– ఆనందయ్య వాడే పదార్థాలు హానికరం కావని నివేదికల్లో చెప్పారు:

– కంటి డ్రాప్స్‌పై  పూర్తి నిర్ధారణలు రావాల్సి ఉంది:

– ఆనందయ్య మందు కోవిడ్‌పై ఎంతవరకూ పనిచేస్తుందని సీసీఆర్‌ఎఎస్‌ ట్రయల్స్‌ చేసింది:

– ఆనందయ్య మందువల్ల కోవిడ్‌ తగ్గుతుందనడానికి ఎలాంటి నిర్దారణలు లేవని నివేదికలు స్పష్టంచేశాయి:

– కాకపోతే మందు తయారీలో వాడే పదార్థాల వల్ల ఎలాంటి హాని లేవని చెప్పాయి:

– ఈ మందు వాడడం వల్ల కోవిడ్‌ తగ్గిందని చెప్పడానికి లేదు:

– అలాగే ఆయుర్వేదం అని గుర్తించడానికి కూడా వీల్లేదు:

ఆనందయ్య ఆయుర్వేదం మందుగా గుర్తించాలని కోరితే, దరఖాస్తు చేస్తే దానిపై చట్ట పరిధిలో పరిశీలనలు చేస్తాం:

నివేదికల్లో వివరాలు వెల్లడించాక సమావేశంలో ప్రభుత్వ నిర్ణయాలు: 

– కంట్లో వేసే డ్రాప్స్‌ తప్ప, ఆనందయ్య ఇస్తున్న మందులకు రాష్ట్ర ప్రభుత్వం గ్రీన్‌సిగ్నల్‌.

– కంట్లో వేసే డ్రాప్స్‌ విషయంలో పూర్తి నివేదికలు రావాల్సి ఉంది. నివేదికలు రావడానికి మరో 2-3 వారాల సమయం.

– కె అనే మందును కూడా కమిటీ ముందు చూపించలేదు కాబట్టి దీనికి  నిరాకరణ.

– ఆనందయ్య ఇచ్చే పి, ఎల్, ఎఫ్‌... మందులకు గ్రీన్‌ సిగ్నల్‌.

– సీసీఆర్‌ఏఎస్‌ నివేదిక ప్రకారం నిర్ణయం తీసుకున్న రాష్ట్ర ప్రభుత్వం.

– కాని, ఆనందయ్య మందు వాడితే కోవిడ్‌ తగ్గుతుంది అనడానికి నిర్ధారణలు లేవని తేల్చిన నేపథ్యంతో ఆనందయ్య మందు వాడినంత మాత్రాన మిగిలిన మందులు ఆపొద్దని స్పష్టం చేసిన రాష్ట్ర ప్రభుత్వం.

– డాక్టర్లు ఇచ్చిన మందులు వాడుతూ.. ఎవరి ఇష్టప్రకారం వారు ఆనందయ్య మందును వాడుకోవచ్చు.

– ఆనందయ్య మందును తీసుకోవడానికి కోవిడ్‌ పాజిటివ్‌ రోగులు రాకుండా చూడాలని ప్రభుత్వం ఆదేశం.

– వారికి బదులు వారి సంబంధీకులు వచ్చి మందును తీసుకెళ్తే..  కోవిడ్‌ విస్తరించే ప్రమాదం తప్పుతుందన్న రాష్ట్ర ప్రభుత్వం.

– మందు పంపిణీ సందర్భంలో కచ్చితంగా కోవిడ్‌ ప్రోటోకాల్‌ పాటించాలని ఆదేశం.