నోరూరించే ఉసిరి బజ్జీలు ఎలా చేయాలి..?

కావలసిన పదార్థాలు: 

బంగాళాదుంపలు - 4

పచ్చిమిర్చి - 5

నూనె - 2 కప్పులు

ఉసిరి తురుము - 4 కప్పులు

ఉప్పు - తగినంత

కరివేపాకు - 2 రెమ్మలు

శెనగపిండి - 1 కప్పు

బియ్యం పిండి - పావుకప్పు

జీలకర్ర - 2 స్పూన్స్

వాము - 2 చెంచాలు

కారం - కొద్దిగా

వంటసోడా - అరస్పూన్

ఆవాలు - స్పూన్.

తయారీ విధానం:

ముందుగా బంగాళాదుంపల్ని ఉడికించి, పొట్టు తీసి పెట్టుకోవాలి. ఆపై బాణలిలో రెండు స్పూన్ల నూనె వేడిచేసి ఆవాలు, జీలకర్ర వేయించుకోవాలి. తరువాత పచ్చిమిర్చి ముక్కలు, కరివేపాకు రెమ్మలు వేసుకోవాలి. అవి బాగా వేగాక ఉసిరి తురుము వేసి 2 నిమిషాల తరువాత తగినంత ఉప్పు, బంగాళదుంపల ముద్దా వేసి బాగా కలుపుకోవాలి. ఈ మిశ్రమాన్ని బుల్లెట్ ఆకృతిలో చేసుకుని పెట్టుకోవాలి. ఆపై ఓ గిన్నెలో శెనగపిండి, బియ్యం పిండి, వంటసోడా, వాము, కారం, కొద్దిగా ఉప్పు వేసి నీళ్ళతో బజ్జీల పిండిలా కలుపుకోవాలి. ఈ మిశ్రమంలో ఉసిరి బుల్లెట్లను ముంచి నూనెలో వేయించుకోవాలి. అంతే... నోరూరించే ఉసిరి బజ్జీలు రెడీ.