ముందుగా బంగాళాదుంపల్ని ఉడికించి, పొట్టు తీసి పెట్టుకోవాలి. ఆపై బాణలిలో రెండు స్పూన్ల నూనె వేడిచేసి ఆవాలు, జీలకర్ర వేయించుకోవాలి. తరువాత పచ్చిమిర్చి ముక్కలు, కరివేపాకు రెమ్మలు వేసుకోవాలి. అవి బాగా వేగాక ఉసిరి తురుము వేసి 2 నిమిషాల తరువాత తగినంత ఉప్పు, బంగాళదుంపల ముద్దా వేసి బాగా కలుపుకోవాలి. ఈ మిశ్రమాన్ని బుల్లెట్ ఆకృతిలో చేసుకుని పెట్టుకోవాలి. ఆపై ఓ గిన్నెలో శెనగపిండి, బియ్యం పిండి, వంటసోడా, వాము, కారం, కొద్దిగా ఉప్పు వేసి నీళ్ళతో బజ్జీల పిండిలా కలుపుకోవాలి. ఈ మిశ్రమంలో ఉసిరి బుల్లెట్లను ముంచి నూనెలో వేయించుకోవాలి. అంతే... నోరూరించే ఉసిరి బజ్జీలు రెడీ.