పిల్లల్లో స్థూలకాయానికి కారణం?

చాలా మంది పిల్లలు స్థూలకాయం (అధిక బరువు)తో బాధపడుతుంటారు. చాలా మంది పుట్టుకతోనే స్థూలకాయులు కాగా.. మరికొంతమంది మాత్రం తినే చిరుతిండ్ల కారణంగా భారీకాయులవుతున్నారు.

చాలా మంది పిల్లలు స్థూలకాయం (అధిక బరువు)తో బాధపడుతుంటారు. చాలా మంది పుట్టుకతోనే స్థూలకాయులు కాగా.. మరికొంతమంది మాత్రం తినే చిరుతిండ్ల కారణంగా భారీకాయులవుతున్నారు. ఇలాంటి వారికి భవిష్యత్‌లో ప్రాణముప్పు ఏర్పడే అవకాశం ఉంది. అందువల్ల చిన్నవయసులోనే ఈ స్థూలకాయాన్ని గుర్తించి తగిన జాగ్రత్తలు తీసుకుంటే ఒబేసిటీ బారినపడుకుండా వారిని రక్షించవచ్చు.

పిల్లల డైలీ రొటీన్‌ లైఫ్‌ను నిర్లక్ష్యం చెయ్యకూడదు. వారి ఆహారపు అలవాట్లు, ఆటల విధానం పట్ల నిరంతర పరిశీలన అవసరం. వీలైనంత మేరకు చిరుతిండ్లను తగ్గించాలి. పండ్లు, ఆకుపచ్చ కూరగాయలు ఎక్కువగా తీసుకునేలా శ్రద్ధ వహించాలి. చేపలు, గింజ ధాన్యాలను కూడా ఆహారంలో భాగం చేయాలి.

ఇక చిప్స్, పిజ్జా, డ్రింక్‌లు వంటి వాటిని వారు తీసుకోకుండా చేయాలి. అదేసమయంలో పిల్లలు ఎక్కువగా క్రీడల్లో పాల్గొనేందుకు ప్రోత్సహించాలి. ఉదయం వేళ నడక, సైక్లింగ్, స్విమ్మింగ్ వంటివాటిని అలవాటు చేయాలి. ఇలా చిన్నవయసు నుంచే ఆహరంపై నియంత్రణ పాటిస్తూ క్రమం తప్పకుండా వ్యాయామం చేస్తే చిన్నపిల్లలు స్థూలకాయం బారినపడకుండా కాపాడొచ్చు.