ఆర్ఆర్‌బీ ఎన్టీపీసీ సీబీటీ-2 రాత పరీక్ష - సెంటర్లు ఇవే...

రైల్వే రిక్రూట్మెంట్ బోర్డు(ఆర్ఆర్‌బి) సికింద్రాబాద్ డివిజన్‌లో ఎన్టీపీసీ సీబీటీ-2 ఉద్యోగాల భర్తీ చర్యల్లో భాగంగా రాత పరీక్షలు నిర్వహించనున్నారు. ఈ పోస్టుల భర్తీ కోసం ఈ నెల 12వ తేదీ నుంచి 17వ తేదీ వరకు రకాల పరీక్షలు నిర్వహించనుంది. 

ఈ పరీక్షకు హాజరయ్యే అభ్యర్థుల సౌకర్యార్థం షాలిమార్ - సికింద్రాబాద్, బిలాస్ పూర్ - సికింద్రాబాద్, భువనేశ్వర్ - తంబారామ్, గుంటూరు - భద్రక్ స్టేషన్ల మార్గంలో ఈ నెల 10, 11, 13 తేదీలో ప్రత్యేక రైళ్ళను నడుపనున్నట్టు తెలిపింది. 

ఈ నెల 12వ తేదీ నుంచి 17 తేదీ వరకు నిర్వహించనున్న ఈ పోటీ పరీక్షల వివరాలను పరిశీలిస్తే.. 

సికింద్రాబాద్, భువనేశ్వర్, చండీగఢ్, బిలాస్‌పూర్‌, ముంబై, గోరఖ్‌పూర్‌, రాంచీ, ముజఫర్‌పూర్‌లో ఈనెల 12న లెవల్ 5 పరీక్ష, 13న లెవల్ 2, 14న లెవల్ 3 పరీక్షను నిర్వహిస్తారు.

అజ్మీర్, అహ్మదాబాద్, బెంగుళూరు, భోపాల్, చెన్నై, గౌహతి, జమ్మూ శ్రీనగర్, కోల్‌‍కతా, పాట్నా, సిలిగురి, అలహాబాద్, మాల్దా, తిరువనంతపురంలలో 15న లెవల్ 5, 16న లెవల్ 2, 17న లెవల్ 17న పరీక్ష నిర్వహిస్తారు.