#ICAME2018 : ఎస్ఆర్ఎంలో మెకానికల్ ఇంజనీరింగ్పై అంతర్జాతీయ సదస్సు
తమిళనాడులో ఉన్న అగ్రగామి విద్యా సంస్థల్లో ఒకటైన ఎస్ఆర్ఎం ఇనిస్టిట్యూట్ ఆఫ్ సైన్స్ అండ్ టెక్నాలజీలో మెకానికల్ ఇంజనీరింగ్పై రెండో అంతర్జాతీయ సదస్సు గురువారం ప్రారంభమైంది.
తమిళనాడులో ఉన్న అగ్రగామి విద్యా సంస్థల్లో ఒకటైన ఎస్ఆర్ఎం ఇనిస్టిట్యూట్ ఆఫ్ సైన్స్ అండ్ టెక్నాలజీలో మెకానికల్ ఇంజనీరింగ్పై రెండో అంతర్జాతీయ సదస్సు గురువారం ప్రారంభమైంది. ఈ సదస్సు ఈనెల 24వ తేదీ వరకు జరుగనుంది. ఈ సదస్సులో అనేక విశ్వవిద్యాలయాలకు చెందిన మేధావులు పాల్గొని తమతమ అభిప్రాయాలను వెల్లడించనున్నారు.
ప్రపంచ వ్యాప్తంగా వివిధ విద్యా సంస్థలకు చెందిన అనేక మంది స్పీకర్లు పాల్గొనున్నారు. అలాగే, 520 టెక్నికల్ పత్రాలను ఇందులో ప్రవేశపెట్టనున్నారు. అంతేకాకుండా, ఈ సదస్సులో భాగంగా, వివిధ రంగాలకు చెందిన నిపుణులతో రౌండ్ టేబుల్ సమావేశాలు కూడా నిర్వహిస్తారు. ఈ సదస్సు ప్రారంభోత్సవ సమావేశం గురువారం కాట్టాన్కొళత్తూరులోని ఎస్ఆర్ఎన్ డీమ్డ్ వర్శిటీ ప్రాంగణంలో ఉన్న డాక్టర్ టీపీ గణేశన్ ఆడిటోరియంలో జరిగింది.
ఈ ప్రారంభోత్సవ కార్యక్రమంలో మెకానికల్ ఇంజనీరింగ్ విభాగం అధిపతి డాక్టర్ ఎస్. ప్రభు ప్రారంభోత్సవ ఉపన్యాసం చేశారు. అలాగే, ఎస్ఆర్ఎం ఇనిస్టిట్యూట్ ఆఫ్ సైన్స్ అండ్ టెక్నాలజీ ఛాన్సలర్ డాక్టర్ టీఆర్ పారివేందర్ అధ్యక్షోపన్యాసం చేశారు. అలాగే, ఈ కార్యక్రమంలో టమకాంగ్ యూనివర్శిటీ ప్రొఫెసర్, జర్నల్ ఆఫ్ అప్లైడ్ సైన్స్ అండ్ ఇంజనీరింగ్ ఎడిటర్ ఇన్ చీఫ్ డాక్టర్ లంగ్ జియ్ యంగ్కే, కేఆర్ఐఎస్ఎస్ డైరెక్టర్ డాక్టర్ సీ జిన్ పార్క్, యూకేకు చెందిన ఆండ్రిన్ హ్యారీస్ మైక్రో మెటీరియల్స్, ఎస్ఆర్ఎం ఇనిస్టిట్యూట్ ఆఫ్ సైన్స్ అండ్ టెక్నాలజీ వైస్ చాన్సలర్ డాక్టర్ సందీప్ సంచేటి, స్కూల్ ఆఫ్ మెకానికల్ ఇంజనీరింగ్ డీన్ డాక్టర్ డి.కింగ్లీజెబా సింగ్ తదితరులు పాల్గొన్నారు. ఈ కార్యక్రమానికి వచ్చిన అతిథులకు డిప్యూటీ హెడ్ డాక్టర్ టి. రాజశేఖరన్ ధన్యవాదాలు తెలిపారు.