భారతదేశంలో స్మార్ట్ హోమ్‌‌ని ప్రధానంగా నడిపిస్తోన్న వాయిస్ కంట్రోల్

ఈ రోజుల్లో ప్రతీ ఒక్కరూ స్మార్ట్ ఫోన్ ఉపయోగిస్తున్నారు. స్మార్ట్ ఫోన్ అని కాదు ప్రతీ ఒక్కరి ఇంట్లో ఏదో ఒకటి కచ్చితంగా స్మార్ట్ పరికరం అయి ఉంటుంది. ఇంకా చెప్పాలంటే ఈ మధ్యకాలంలో భారతీయ ఇళ్లలో స్మార్ట్ హోమ్ వినియోగం బాగా ఊపందుకుంది. దాదాపు 92 శాతం మంది వినియోగదారులు తమ స్మార్ట్ హోమ్‌ని సెట్ చేసుకోవడానికి వాయిస్ కంట్రోల్ తమకు చాలా సౌకర్యంగా ఉందని చెప్పారు.

భారతదేశంలో స్మార్ట్ హోమ్ కాన్సెప్ట్‌ ని స్వీకరించడం మరియు వాడుక తీరులను అర్థం చేసుకోవడానికి అమెజాన్ ఇండియా కోసం టెక్‌కార్క్ సర్వే నిర్వహించింది. ఈ సర్వేలో ఈ విషయాలన్నీ బయటకు వచ్చాయి. మెట్రో మరియు నాన్-మెట్రో నగరాల్లో నివసిస్తున్న 1200 మంది స్మార్ట్ హోమ్ వినియోగదారుల నుంచి ఈ విషయాలను సేకరించింది.

ఈ సందర్భంగా టెక్‌కార్క్ వ్యవస్థాపకుడు, చీఫ్ అనలిస్ట్ ఫైసల్ కవూసా మాట్లాడారు. ఆయన మాట్లాడుతూ... “కొవిడ్ -19 మహమ్మారి కారణంగా స్థిరమైన బ్రాడ్‌ బ్యాండ్‌ వ్యాప్తి పెరిగింది. అంతేకాకుండా ఇళ్లలో స్మార్ట్ వస్తువుల్ని వాయిస్ కంట్రోల్ ద్వారా ఆపరేట్ చేయడం కూడా ఒక ముఖ్యమైన ఫ్యాక్టర్‌‌గా మారింది. ఇందుకోసం కలిగి ఉండడం లేదా నేర్చుకునే అవసరం లేదు. అందుకే కుటుంబంలోని సభ్యులందరూ ఇంటరాక్ట్ అవ్వడానికి, పరికరాలను నియంత్రించేందుకు స్మార్ట్ హోమ్ వాతావరణం అందరికి అద్భుతంగా ఉపయోగపడుతుంది.

 “బల్బులు, ప్లగ్లు, లాక్లు, కెమెరాలు, సీలింగ్ ఫ్యాన్లు, టీవీలు, ఎయిర్ కండిషనర్లు, ఎయిర్ ప్యూరిఫైయర్లు మొదలైన వర్గాలలో అలెక్సాకు అనుకూలంగా ఉండే వేలాది స్మార్ట్ హోమ్ పరికరాలు రూ. 500 నుంచి రూ. 1,50,000 వరకు ఉన్నాయి. భారతదేశంలోని టాప్ బ్రాండ్ల నుంచి స్మార్ట్ హోమ్ జర్నీని ప్రారంభించడం మరియు అలెక్సాతో హ్యాండ్స్-ఫ్రీ కంట్రోల్ యొక్క మ్యాజిక్‌ ను అనుభవించడం సౌకర్యంగా మార్చేసింది అని అన్నారు భారతదేశంలోని అమెజాన్ డివైజెస్ డైరెక్టర్ మరియు కంట్రీ మేనేజర్ పరాగ్ గుప్తా.

స్మార్ట్‌ స్టడీలోని కీలక అంశాలు:

స్మార్ట్ హోమ్ కాన్సెప్ట్‌ని అందరూ స్వాగతించడం ఇటీవలి కాలంలో గొప్ప పరిణామం. భారతదేశంలో స్మార్ట్ హోమ్ అడాప్షన్‌కు అందరూ ఇప్పడిప్పుడే అలవాటు పడుతున్నారు. రాబోయే రోజుల్లో మరిన్ని ఇళ్లు... స్మార్ట్‌ హోమ్‌లుగా మారబోతున్నాయి. అధ్యయనం ప్రకారం... 90 శాతం కంటే ఎక్కువమంది గత రెండేళ్లలో తమ మొదటి స్మార్ట్ హోమ్ పరికరాన్ని కొనుగోలు చేశారు. టీవీల వంటి అధిక-విలువైన పరికరాలను ఆన్‌లైన్‌లో కొనుగోలు చేయబడినప్పటికీ, స్మార్ట్ గృహోపకరణాలలో ఎక్కువ భాగం ఆన్‌లైన్‌/ ఈ-కామర్స్ వెబ్‌సైట్‌లలో కొనుగోలు చేశారు.

 స్మార్ట్ హోమ్‌ని స్వాగతించడం అనేది కొత్త టెక్నాలజీని కచ్చితంగా ప్రయత్నించాలనే కోరిక మొదలవుతుంది. సాధారణంగా, మెట్రో & నాన్-మెట్రో నగరాల్లోని వినియోగదారులు స్మార్ట్ హోమ్ పరికరాలను స్వీకరించడానికి కారణం... 'కొత్త టెక్నాలజీని ప్రయత్నించాలనుకోవడమే. అయినప్పటికీ, మేము వివిధ పరికర వర్గాలను గమనించినప్పుడు ఆసక్తికరమైన విషయాలు బయటకు వచ్చాయి. స్మార్ట్ స్పీకర్లు, స్మార్ట్ టీవీలు మరియు స్మార్ట్ లైట్లు 'కొత్త టెక్నాలజీని ప్రయత్నించడానికి' ఎక్కువగా కొనుగోలు చేస్తున్నారు. అలాగే స్మార్ట్ ఏసీ మరియు వాషింగ్ మెషీన్లు వాటి 'శక్తి-సామర్థ్యం' కారణంగా కొంటున్నారు. 'కనెక్టివిటీ/ ఆటోమేషన్' కోసం స్మార్ట్ కెమెరాలు ఐఆర్‌ బ్లాస్టర్లు కొనుగోలు చేస్తున్నారు. అయితే స్మార్ట్ ఓవెన్లు, స్మార్ట్ వాక్యూమ్ మరియు స్మార్ట్ ఎయిర్ ప్యూరిఫైయర్లు మాత్రం మంచి డీల్ లేదా డిస్కౌంట్‌ అన్నప్పుడు మాత్రమే కొనుగోలు చేస్తున్నారు.

కుటుంబం మరియు స్నేహితులు చెప్పడం ద్వారానే స్మార్ట్ పరికరాలను ఎక్కువమంది కొనుగోలు చేస్తున్నారు. ఈ రెండే అత్యంత ప్రజాదరణ పొందిన సమాచార వనరులు. భారతదేశంలోని స్మార్ట్ హోమ్ వినియోగదారులు కొత్త పరికరాలు, వాటి ఫీచర్లు మరియు సమీక్షల గురించి మరింత తెలుసుకోవడానికి కుటుంబం మరియు స్నేహితుల ద్వారానే తెలుసుకుంటున్నారు. అంతేకాకుండా టీవీ/ఆన్‌లైన్‌లో ప్రకటనలు మరియు సోషల్ మీడియా ద్వారా ఎక్కువమంది ప్రభావితం అవుతున్నారు.

 స్మార్ట్ హోమ్ వినియోగం అనేది ఇప్పుడు వినోదం నుండి ఉత్పాదకత వరకు విస్తరించింది: స్మార్ట్ టీవీలు (73%) స్మార్ట్ స్పీకర్లు (45%) సాధారణ స్మార్ట్ హోమ్ వినియోగంలో మొదటి రెండు స్థానాల్లో ఉన్నాయి. అయితే, సౌలభ్యం మరియు ఉత్పాదకతను జోడించే ఇతర పరికరాల స్వీకరణ కూడా మొదలైంది. వీటిలో వాషింగ్ మెషీన్లు, వాక్యూమ్ క్లీనర్లు, భద్రతా పరిష్కారాలు మరియు రిఫ్రిజిరేటర్లు ఉన్నాయి. స్థిరమైన బ్రాండ్‌గా మారేందుకు స్మార్ట్‌ వైపు మారిపోవడం తప్పనిసరి. టీవీలు, ఫ్రిజ్ మరియు వాషింగ్ మెషీన్ల వంటి గృహోపకరణాలను తయారు చేసే అనేక ప్రస్తుత బ్రాండ్లు తమ ఉపకరణాలను స్మార్ట్‌గా మార్చేస్తున్నాయి. దీని వల్ల వినియోగదారుల నమ్మకాన్ని ఎప్పటికప్పుడు నిలబెట్టుకోగలుగుతున్నాయి. స్మార్ట్ గృహోపకరణాలను అందించే కొత్త బ్రాండ్లు.. స్మార్ట్ లైట్లు, స్మార్ట్ సెక్యూరిటీ, స్మార్ట్ ప్లగ్‌లు మరియు ఐఆర్‌ బ్లాస్టర్లు వంటి ఉపకరణాల్లో పోటీ ఇచ్చేందుకు సిద్ధంగా ఉన్నాయి.

స్టడీలో తేలిన అతి ముఖ్యమైన కీలక అంశాలు:

స్మార్ట్ హోమ్‌ వల్ల చికాకులు తప్పుతాయి. ఇవి మనస్సుకి ప్రశాంతతను కలిగిస్తాయి. సాంకేతికంగా ఉన్నతంగా ఉండడం వల్ల వినియోగదారులు వీటిని ఉపయోగించేందుకు ఆసక్తి చూపిస్తారు. దీంతోపాటు... తల్లిదండ్రులు మరియు పిల్లలతో సహా వారి ప్రియమైన వారి భద్రత- భద్రతను పర్యవేక్షించడానికి స్మార్ట్ హోమ్ పరికరాలను ఇన్‌స్టాల్‌ చేస్తారు. వాయిస్ అసిస్టెంట్లు కుటుంబ సభ్యులందరినీ ఎలాంటి పరిమితులు లేకుండా స్మార్ట్ పరికరాలతో ఎంగేజ్ అయ్యేలా చేస్తాయి.

“నా గదిలో లైట్లను ఆపరేట్ చేయడానికి ప్రతిసారీ స్విచ్ బోర్డు వరకు నడవడం ఒక పని. నా పిల్లలు స్మార్ట్ లైట్లను అమర్చారు. ఇప్పుడు నా ఆదేశం మేరకు అద్భుతంగా పని చేస్తున్నాయి. నేను రెస్ట్‌ రూమ్‌ కోసం స్విచ్ బోర్డ్ వద్దకు వెళ్లడానికి ఇక నుంచి నేను నా మనవళ్లను అర్ధరాత్రి పిలవాల్సిన అవసరం లేదు అని అన్నారు బెంగళూరుకు చెందిన 75 ఏళ్ల వ్యక్తి.

“మేము ఏదైనా పని కోసం బయటకు వెళ్ళినప్పుడు మా పిల్లలను ఇంట్లో వదిలివేయడం గురించి ఇకనుంచి ఎలాంటి బాధా పడాల్సిన అవసరం లేదు. స్మార్ట్ సెక్యూరిటీ పరికరాలు ఉన్నందున మా ఇళ్ల పర్యవేక్షణ మరియు భద్రత ఇప్పుడు మరింత సులభతరం అయ్యింది మరియు ఇవి మరింత నమ్మదగినవిగా మారాయి అని అన్నారు పాట్నాకు చెందిన దంపతులు.