అసెప్టిక్ ఏ2 గేదె పాలను పరిచయం చేసిన సిద్స్ ఫార్మ్

తెలంగాణలోని ప్రముఖ డి2సి డెయిరీ బ్రాండ్ అయిన సిద్స్ ఫార్మ్, ఇటీవల తమ ఏ2 బఫెలో మిల్క్‌ను కొత్త 1-లీటర్ అసెప్టిక్ ప్యాకేజింగ్ ఎస్కెయులో విడుదల చేస్తున్నట్లు ప్రకటించింది. ఇది రూ. 120కి లభించనుంది. స్వచ్ఛమైన, ఆరోగ్యకరమైన, కల్తీ లేని పాలు, పాల ఉత్పత్తులను అందించడం ద్వారా  ప్రసిద్ధి చెందిన, సిద్స్ ఫార్మ్ అధిక-నాణ్యత గల పాల ఉత్పత్తులకు పెరుగుతున్న డిమాండ్‌కు అనుగుణంగా ఈ అనుకూలమైన ప్యాకేజింగ్ ఎంపికతో ఆవిష్కరణలను కొనసాగిస్తోంది. కొత్త అసెప్టిక్ ప్యాక్ మొదట్లో హైదరాబాద్, బెంగళూరులో అందుబాటులో ఉంటుంది. ముంబై, కొచ్చి, నాసిక్, అహ్మదాబాద్, సూరత్, రాజ్‌కోట్, వడోదర, హుబ్బల్లి వంటి నగరాల్లోని ఈ-కామర్స్ ప్లాట్‌ఫారమ్‌లలో కూడా అందుబాటులో ఉంటుంది.

సిద్స్ ఫార్మ్ వ్యవస్థాపకుడు డాక్టర్ కిషోర్ ఇందుకూరి, కొత్త ఉత్పత్తి ప్రారంభం గురించి తన సంతోషాన్ని వ్యక్తం చేస్తూ, "ఏ2 గేదె పాల కోసం మా కొత్త అసెప్టిక్ ప్యాక్ నాణ్యత, సౌలభ్యం పట్ల మా అంకితభావానికి నిదర్శనం. అసెప్టిక్ ప్యాక్ ఎక్కువ కాలం నిల్వ ఉండేలా మాత్రమే కాదు. నిల్వకారకాల అవసరం లేకుండా, మా స్వచ్ఛమైన పాల ప్రయోజనాలను మా కస్టమర్‌లు ఆస్వాదించడాన్ని సులభతరం చేస్తుంది" అని అన్నారు. 

కొత్త అసెప్టిక్ ప్యాక్ అనేక ప్రయోజనాలను అందిస్తుంది. ఇది పాలు ఎక్కువ కాలం పాటు నిల్వ ఉంచడంలో సహాయపడుతుంది, ఇది బిజీగా ఉండే గృహాలకు, ప్రయాణంలో వినియోగానికి సౌకర్యవంతంగా ఉంటుంది. ఏ2 గేదె పాలలో  పోషకాలు సమృద్ధిగా ఉంటాయి. మొత్తం ఆరోగ్యానికి ప్రయోజనకరంగా ఉంటాయి. ఇది త్రాగడానికి, వంట చేయడానికి, బేకింగ్ చేయడానికి అనువైనది, భోజనం యొక్క రుచి మరియు పోషక విలువలను పెంచుతుంది.