ప్రత్యేకంగా UAE ట్రావెలర్స్ కోసం ఫాల్కన్ ఫారెక్స్ కార్డ్‌ను ప్రారంభించిన కోటక్

కోటక్ మహీంద్రా బ్యాంక్ లిమిటెడ్ ఈ రోజు కోటక్ ఫాల్కన్ కార్డ్‌ - సింగిల్ కరెన్సీ ప్రీపెయిడ్ ఫారెక్స్ కార్డ్‌ను ప్రవేశపెట్టింది, యునైటెడ్ అరబ్ ఎమిరేట్స్ (UAE)కి ప్రయాణించే భారతీయుల సంఖ్య పెరుగుతున్నందున దీన్ని ప్రారంభించింది. కోటక్ ఫాల్కన్ కార్డ్ USP భద్రత, సౌలభ్యం మరియు రూ. 20,000 వరకు సంచిత పొదుపును అందిస్తుంది, ఇది UAEకి ప్రయాణించాలనుకునే భారతీయులకు లాభదాయకంగా ఉంటుంది.

UAEలో చెల్లింపుల కోసం కోటక్ ఫాల్కన్ కార్డ్‌ని ఉపయోగించే ప్రయాణికులు 100కు పైగా పర్యాటక ఆకర్షణలు, సాహస క్రీడలు, షాపింగ్, డైనింగ్ మరియు ప్రత్యేకమైన అనుభవాలలో తక్షణ తగ్గింపులను పొందుతారు. అదనపు ప్రయోజనాలలో కాంప్లిమెంటరీ ఇన్సూరెన్స్ కవర్, 24*7 రీలోడ్ సర్వీస్, ఇన్‌స్టంట్ రీఫండ్ మరియు అవాంతరాలు లేని కార్డ్ రీప్లేస్‌మెంట్ ఉన్నాయి.

కోటక్ ఫాల్కన్ కార్డ్‌ను ముంబైలో జరిగిన గ్లోబల్ ఫిన్‌టెక్ ఫెస్ట్‌లో ఆవిష్కరించటం జరిగింది. ఈ కార్యక్రమం రోహిత్ భాసిన్, ప్రెసిడెంట్ - హెడ్ అఫ్లూయెంట్, NRI, బిజినెస్ బ్యాంకింగ్, చీఫ్ మార్కెటింగ్ ఆఫీసర్, కోటక్ మహీంద్రా బ్యాంక్; ముజాఫర్ హమీద్, సీఈఓ, మెర్క్యురీ పేమెంట్స్ సర్వీసెస్; NPCI నుండి ఇతర ప్రముఖుల ఆధ్వర్యంలో జరిగింది. 

UAE ఆధునికత, లగ్జరీల గొప్ప సమ్మేళనాన్ని సూచిస్తుంది. ఇది సమీకృత ఆర్థిక, డిజిటల్ చెల్లింపు, ఆర్థిక మౌలిక సదుపాయాలతో భారతదేశంలో  మూడవ-అతిపెద్ద వాణిజ్య భాగస్వామిగా నిలిచింది. అందువల్ల, వార్తా నివేదికల ప్రకారం, 2023లో 2.46 మిలియన్ల మంది ప్రయాణికులు దుబాయ్‌ని సందర్శించడంలో ఆశ్చర్యం లేదు. గణనీయసంఖ్యలో భారతీయ ప్రవాసులు, దేశంలోని అనేక నగరాల నుండి ప్రత్యక్ష విమానాలు, మొదటి విదేశీ పర్యటనతో సహా అంతర్జాతీయ ప్రయాణం కోసం పెరుగుతున్న ఆకాంక్ష ప్రతి సంవత్సరం UAEకి ఎక్కువ మంది భారతీయులను ఆకర్షిస్తూనే ఉన్నాయి.

రోహిత్ భాసిన్ ఇలా అన్నారు, “ప్రతిష్టాత్మకమైన భారతీయుల ఎంపిక బ్యాంకుగా మారాలనే మా లక్ష్యంలో భాగంగా, ప్రత్యేకంగా యునైటెడ్ అరబ్ ఎమిరేట్స్‌ను సందర్శించే ప్రయాణికుల కోసం రూపొందించిన కోటక్ ఫాల్కన్ కార్డ్, గొప్ప విలువ ప్రతిపాదనను పరిచయం చేయడం పట్ల మేము సంతోషిస్తున్నాము. సింగిల్ కరెన్సీ ప్రీపెయిడ్ ఫారెక్స్ కార్డ్ UAEకి ప్రయాణించే పెరుగుతున్న భారతీయులకు ఒక ప్రత్యేకమైన ఆఫర్, ఇందులో మొదటిసారిగా అంతర్జాతీయ ప్రయాణికులు ఉన్నారు, UAEలో చేసిన చెల్లింపులపై ఇది వారికి భద్రత- సౌకర్యాన్ని అందిస్తుంది. విశ్రాంతి కార్యకలాపాలకు చెల్లింపులపై అద్భుతమైన పొదుపులను అందిస్తుంది."

ముజాఫర్ హమీద్ మాట్లాడుతూ, “సమ్మిళిత చెల్లింపుల మా లక్ష్యాన్ని మరింత ముందుకు తీసుకెళ్లడానికి మెర్క్యురీ కోటక్ ఫాల్కన్ కార్డ్‌ని అమలు చేస్తోంది. ఆర్థిక సేవల యాక్సెసిబిలిటీని పెంచడానికి, విస్తృత మార్కెట్ కోసం చెల్లింపులను ప్రజాస్వామ్యీకరించడం పట్ల మా అంకితభావాన్ని ప్రదర్శించడానికి, యునైటెడ్ అరబ్ ఎమిరేట్స్‌లో రూపేను మరింత విస్తరించడానికి మేము NPCI ఇంటర్నేషనల్ మరియు కోటక్ మహీంద్రా బ్యాంక్‌తో సహకరిస్తున్నాము,” అని అన్నారు.