వికసిత్ భారత్ నిర్మాణం: ఆప్టిగల్ ప్రైమ్, ఆప్టిగల్ పినాకిల్‌ను ప్రవేశపెట్టిన ఎఎం-ఎన్ఎస్ ఇండియా

ఢిల్లీ: ఆర్సెలర్ మిట్టల్ నిప్పాన్ స్టీల్ ఇండియా (AM/NS ఇండియా), ఈ రోజు ఆప్టిగల్ ప్రైమ్, ఆప్టిగల్ పినాకిల్ అనే రెండు ప్రపంచ స్థాయి, అధిక పనితీరు గల ఉత్పత్తులను దాని ప్రీమియం కలర్-కోటెడ్ స్టీల్ పోర్ట్ఫోలియో ఆప్టిగల్‌లో విడుదల చేస్తున్నట్లు ప్రకటించింది. ఈ ప్రారంభంతో, AM/NS ఇండియా భారతదేశంలోని కలర్-కోటెడ్ ఉక్కు విభాగంలో తన స్థానాన్ని మరింత బలపరిచింది. అత్యాధునిక విమానాశ్రయాలు, రైల్వే స్టేషన్లు, రహదారులు, భారీ భవన నిర్మాణ ప్రాజెక్టులకు అనుగుణంగా, సంస్థ దేశంలో తొలిసారిగా యూరోపియన్ ప్రమాణాలకు అనుగుణంగా అత్యుత్తమ తుప్పు నిరోధకత కలిగిన ప్రత్యేక ఉక్కును ప్రవేశపెట్టింది. ఇప్పటివరకు భారత మార్కెట్లో అందుబాటులో లేని C4 గ్రేడ్ హై-ఎండ్ స్టీల్ పరిధిలో, AM/NS ఇండియా ఈ విభాగానికి మార్గనిర్దేశకుడిగా నిలుస్తూ, గర్వంతో ఏకైక దేశీయ ఉత్పత్తిదారుగా ఎదిగింది.

ప్రధాన మంత్రి "విక్షిత్ భారత్" కోసం ఇచ్చిన పిలుపును అనుసరిస్తూ, ఈ వినూత్న ఉత్పత్తి వేగవంతమైన అభివృద్ధికి తోడ్పడే దిశగా కీలక పాత్ర పోషిస్తుంది. ఈ విభాగంలో తన నూతన ప్రవేశంతో, AM/NS ఇండియా కలర్-కోటెడ్ ఉక్కు మార్కెట్‌లో స్పష్టమైన ఆధిపత్యాన్ని సాధించడానికి కృషి చేస్తోంది, అలాగే మొత్తం కలర్-కోటెడ్ ఉక్కు విభాగంలో 25 శాతం మార్కెట్ వాటా లక్ష్యంగా పెట్టుకుంది. భారతదేశంలోని కలర్-కోటెడ్ ఉక్కు విభాగం ప్రస్తుతం సుమారు 3.4 మిలియన్ టన్నుల మార్కెట్‌గా అంచనా వేయబడుతోంది, ఇది వార్షికంగా సగటున 10 శాతం స్థిరమైన వృద్ధిరేటుతో అభివృద్ధి చెందుతోంది. తాజా ఆప్టిగల్ ప్రైమ్ మరియు ఆప్టిగల్ పిన్నాకిల్ ప్రవేశాలతో, AM/NS ఇండియా రాబోయే రెండు నుండి మూడు సంవత్సరాల కాలంలో ఈ విభాగంలో 25 శాతం మార్కెట్ వాటా సాధించేందుకు తన ప్రయాణంలో ఒక ముఖ్యమైన మైలురాయిని చేరుకుంది.

ఆప్టిగల్ ప్రైమ్ పట్టణ, మధ్యస్థంగా త్రుప్పు పట్టే వాతావరణాలకు సరిపోతుంది, ఇది 15 సంవత్సరాల వారంటీని అందిస్తుంది. సిలికాన్ మోడిఫైడ్ పాలిస్టర్ (SMP) సూపర్ డ్యూరబుల్ పాలిస్టర్(SDP), PVDF వంటి అధునాతన ముగింపులలో లభిస్తుంది, ఇది రూఫింగ్, క్లాడింగ్- ఇతర నిర్మాణ అవసరాలకు అనువైన ఎంపిక. ఆప్టిగల్ పినాకిల్ అనేది అగ్రశ్రేణి వేరియంట్, ఇది కఠినమైన పారిశ్రామిక, తీరప్రాంత పరిస్థితుల కోసం రూపొందించబడింది. 25 సంవత్సరాల వారంటీ మద్దతుతో, ఇది తేమ, UV కిరణాలు, తీవ్రమైన ఉష్ణోగ్రతలకు ఉన్నతమైన నిరోధకతను అందించే అధిక-పనితీరు గల PU/PA కోటింగ్‌లను కలిగి ఉంటుంది-విమానాశ్రయాలు, గిడ్డంగులు, సముద్ర ముఖంగా ఉన్న భవనాలు వంటి డిమాండ్ అనువర్తనాలకు ఇది అనుకూలంగా ఉంటుంది.   

శ్రీ రంజన్ ధార్, డైరెక్టర్ మరియు వైస్ ప్రెసిడెంట్, సేల్స్ అండ్ మార్కెటింగ్, ఆర్సెలర్ మిట్టల్ నిప్పాన్ స్టీల్ ఇండియా (AM/NS ఇండియా) ఇలా అన్నారు, "ఆప్టిగల్ ప్రైమ్ మరియు ఆప్టిగల్ పిన్నాకిల్ యొక్క ఆవిష్కరణ, నాణ్యత, మన్నిక మరియు స్థిరమైన ఆవిష్కరణల పట్ల AM/NS ఇండియా నిబద్ధతను స్పష్టంగా ప్రతిబింబిస్తుంది. 'వికసిత్ భారత్' దిశగా భారతదేశం వేగంగా పురోగమిస్తున్న ఈ సమయంలో, విభిన్న వాతావరణ పరిస్థితులు మరియు పారిశ్రామిక అవసరాలను తీర్చగల శ్రేష్ఠమైన ప్రదర్శన గల స్టీల్ పరిష్కారాలను అందించడంలో మేము గర్విస్తున్నాము. ‘స్మార్టర్ స్టీల్స్, బ్రైటర్ ఫ్యూచర్స్’ అనే మా బ్రాండ్ వాగ్దానానికి అనుగుణంగా, విలువ ఆధారిత ఉత్పత్తుల పోర్ట్‌ఫోలియోను మరింత బలోపేతం చేసే దిశగా ఇది ఒక కీలక ముందడుగు."