చాలా మందికి రింగు రింగుల వెంట్రుకలు ఉంటాయి. ఇవి చూడటానికి ఎంతో ఆకర్షణీయంగా కనిపిస్తుంటాయి. అయితే, ఇలాంటి జట్టును కాపాడుకునేందుకు వారు చాలా శ్రమిస్తుంటారు. నిజానికి చిన్నపాటి చిట్కాలు పాటిస్తే ఇలాంటి జ
చాలా మందికి రింగు రింగుల వెంట్రుకలు ఉంటాయి. ఇవి చూడటానికి ఎంతో ఆకర్షణీయంగా కనిపిస్తుంటాయి. అయితే, ఇలాంటి జట్టును కాపాడుకునేందుకు వారు చాలా శ్రమిస్తుంటారు. నిజానికి చిన్నపాటి చిట్కాలు పాటిస్తే ఇలాంటి జట్టును సులభంగా రక్షించుకోవచ్చని సౌందర్య నిపుణులు చెపుతున్నారు.
స్నానం చేసిన తర్వాత జుట్టుని సహజంగా గాలికి ఆరనివ్వాలి. డ్రయ్యర్‌ని వాడితే జుట్టు విరిగిపోయే అవకాశం ఉంది. అందువల్ల దానికి దూరంగా ఉండటం ఎంతో మంచిది. జుట్టు మరీ గట్టిగా రింగులు తిరిగిపోకుండా ఉండాలంటే యాంటీ ఫ్రిజ్ సిరమ్‌ని వాడితే సరిపోతుంది. ఈ సిరమ్‌ని జుట్టు కుదుళ్ల నుంచి రాయాలి. గట్టిగా ఉన్న రింగుల జుట్టుపై మరింత బలప్రయోగం చేయకుండా కొంత వరకూ పొడవు తగ్గించుకుంటే మంచింది.
సాధారణ జుట్టు కంటే రింగుల జుట్టు వాతావరణ మార్పులకు వెంటనే ప్రభావితమవుతుంది కాబట్టి, రింగుల జుట్టు ఉన్నవారు మరింత శ్రద్ధ తీసుకోవాలి. అందుకనే షాంపూతో వారానికోసారైనా తప్పకుండా తల స్నానం చేయడం మంచిది. దానివల్ల చర్మం జిడ్డులేకుండా ఉంటుంది.
మాయిశ్చరైజింగ్ షాంపూ అయితే జుట్టుని పొడిగా ఉంచడానికి తోడ్పడుతుంది. వారంలో వీలైనన్ని సార్లు షాంపూతో తలస్నానం చేసినా జుట్టు జిడ్డు లేకుండా ఆరోగ్యంగా కనిపిస్తుంది. షాంపూ వాడని రోజుల్లో జుట్టుని వేడి నీటితో కడగాలి. దీనివల్ల పోషణ ఇచ్చే సహజ నూనె పదార్థాలు కోల్పోకుండా జుట్టు ఆరోగ్యంగా కనిపిస్తుంది.
ఆల్కహాల్ కలిగి ఉన్న ఉత్పాదనలను వాడటం వల్ల జుట్టు పొడిగా మారుతుంది. అందువవల్ల రింగుల జుట్టు ఉన్న వారు ఆల్కహాల్ ఉన్న ఉత్పాదనలను వాడకుండా ఉండటం మంచిది. రింగుల జుట్టుని మరింత ఆకర్షణీయంగా మార్చుకోవాలంటే నిపుణుల సహాయం తీసుకోవడం మంచిది.