శీతాకాలంలో వేడి వేడి అన్నంలో గోంగూర పచ్చడి కలుపుకుని.. దానికి కాస్త నెయ్యి జతచేసి తీసుకుంటే.. వ్యాధినిరోధక శక్తి పెరుగుతుందని ఆయుర్వేద నిపుణులు సూచిస్తున్నారు. పుల్లటి గోంగూర రుచికే కాదు.. ఆరోగ్యానికి మేలు చేస్తుంది. గోంగూరలో విటమిన్ సి, ఎ, బి 6తో పాటు ఐరన్, మెగ్నీషియం, పొటాషియం, క్యాల్షియం పుష్కలంగా వుంటుంది.
అందుకే గోంగూరను తీసుకుంటే రోగ నిరోధక శక్తిని పెంచుకోవచ్చు. దీనివల్ల జీర్ణక్రియ మెరుగుపడుతుంది. ఎముకలు బలపడతాయి. రక్తప్రసరణ సజావుగా కొనసాగుతుంది. కొన్ని రకాల క్యాన్సర్లను రానివ్వకుండా చేస్తుంది. ముఖ్యంగా మధుమేహాన్ని నియంత్రిస్తుంది. గుండె, కిడ్నీ సంబంధిత వ్యాధులను దూరం చేస్తుంది. గోంగూరను వారానికి రెండుసార్లు ఆహారంలో చేర్చుకుంటే. కొలెస్ట్రాల్‌ను తగ్గించుకోవచ్చు.
గోంగూరను క్రమంగా వాడితే నిద్రలేమి, అధిక రక్తపోటు తగ్గుతుంది. ప్రతి రాత్రి నిద్రకు ముందు ఓ కప్పు గోంగూర రసం తాగితే హాయిగా నిద్రపోవచ్చు. ముఖ్యంగా మూడు పదులు దాటిన మహిళలు రోజూ ఒక కప్పు గోంగూర తీసుకోవాలి.
ఇలా తీసుకుంటే, ఐరన్, సోడియం, క్యాల్షియం, పొటాషియం అందుతుంది. తద్వారా మహిళలకు రుతుక్రమంలో ఏర్పడే నొప్పులు తొలగిపోతాయి. ఇంకా శరీరానికి కావలసిన శక్తి లభిస్తుందని ఆయుర్వేద నిపుణులు సూచిస్తున్నారు.