యూట్యూబ్ స్టార్ షణ్ముఖ్ ని బిగ్ బాస్ విజేత చేయండి!

ఒక సామాన్య కుటుంబంలో పుట్టి ఉన్నతమైన విద్యనభ్యసించిన షణ్ముఖ్  యూట్యూబ్ స్టార్ గా పేరు పొందాడని ఆయన తండ్రి కె ఎస్ ఎస్ అప్పారావు అన్నారు. యూట్యూబ్ లో సాఫ్ట్ వేర్ ప్రొఫెషనల్ గా సూర్య అనే వెబ్ సిరీస్ తో ఆంధ్ర తెలంగాణ యువత మనసులు దోచుకున్న షణ్ముఖ్, మా టీవీ బిగ్ బాస్ లో ఫైనల్స్ జాబితాలో నిలవడం అభినందనీయమన్నారు. 

విశాఖ‌లో గురువారం ఉదయం డాబా గార్డెన్స్ ప్రెస్ క్లబ్ లో జరిగిన విలేకరుల సమావేశంలో ఆయన మాట్లాడారు. ప్రస్తుతం బిగ్ బాస్ ఫైనల్స్ లో ఐదుగురు ప్రధానంగా పోటీ పడుతున్నారని, అందులో షణ్ముఖ్ కు విజేత అయ్యే అవకాశాలు మెండుగా ఉన్నాయన్నారు. మొత్తం 19 మంది బిగ్ బాస్ హౌస్ లో అడుగుపెట్టగా, అందులో టాప్ ఫైవ్ లో షణ్ముఖ నిలవడంపై ఆయన ఆనందం వ్యక్తం చేశారు.అందుకు కారణమైన ప్రతి ఒక్కరికి ఆయన ప్రత్యేక ధన్యవాదాలు తెలియజేశారు. కాగా షణ్ముఖ్  విజేతగా నిలవాలంటే అభిమానులు భారీ స్థాయిలో ఓటింగ్ చేయాలని హాట్ స్టార్ ద్వారా మరియు మీ మొబైల్స్ ద్వారా మిస్సేడ్ కాల్ ఇవ్వడం ద్వారా ఓటు వేసి షణ్ముఖి విన్నర్ గా నిలిచేందుకు సహకరించాలని పేరుపేరునా కోరారు.

విశాఖకు చెందిన షణ్ముఖ్ అంచెలంచెలుగా ఎదిగి పలు వెబ్ సిరీస్ ద్వారా యూట్యూబ్ ప్రేక్షకుల మన్ననలు పొందారని,  ఈ బిగ్ బాస్ కాంటెస్ట్ లో షణ్ముఖ్  టాప్ ఫైవ్ నుంచి టాప్ వన్ గా నిలిచేందుకు ప్రతి ఒక్కరూ ఓటు వేయాలని ప్రార్థించారు. శుక్రవారం సాయంత్రం లోపు తమ అమూల్యమైన ఓటును షణ్ముఖ్ కు  వేసి గెలిపించాలని ఆయన తండ్రి అప్పారావు మీడియా ద్వారా ఉత్తరాంధ్ర ప్రజలందరినీ కోరారు. ఈ సమావేశంలో ఆయనతో పాటు విశాఖ స్టీల్ అండ్ సిమెంట్ డీలర్స్ అసోసియేషన్ చైర్మన్ ఎం.త్రినాధరావు, నేరేడ్ కో సెక్రటరీ నరేంద్ర కుమార్ తదితరులు పాల్గొన్నారు