అప్పిచ్చాడు.. కూల్‌డ్రింక్స్ తాగించి అత్యాచారం... ఆపై ఫొటోలు తీసి బ్లాక్‌మెయిల్

ఆర్థిక ఇబ్బందుల్లో చిక్కుకున్న ఓ మహిళకు అప్పించిన ఓ కామాంధుడు.. ఆమెను ఇంటికి పిలిపించి కూల్‌డ్రింక్స్‌లో మత్తుమందు కలిసి అత్యాచారం చేశాడు. ఆ తర్వాత ఆమెను నగ్నంగా ఫోటోలు తీసి బ్లాక్ బెయిల్ చేశాడు.

ఆర్థిక ఇబ్బందుల్లో చిక్కుకున్న ఓ మహిళకు అప్పించిన ఓ కామాంధుడు.. ఆమెను ఇంటికి పిలిపించి కూల్‌డ్రింక్స్‌లో మత్తుమందు కలిసి అత్యాచారం చేశాడు. ఆ తర్వాత ఆమెను నగ్నంగా ఫోటోలు తీసి బ్లాక్ బెయిల్ చేశాడు. ఆ తర్వాత కల్యాణదుర్గం తీసుకెళ్లి ఒక గదిలో ఉంచి పలుసార్లు లైంగికదాడికి పాల్పపడ్డాడు. తాజాగా వెలుగులోకి వచ్చిన ఈ వివరాలను పరిశీలిస్తే... 

హైదరాబాద్, ఎల్‌బీనగర్‌ ప్రాంతానికి చెందిన ఓ మహిళ ఆర్థిక ఇబ్బందుల్లో చిక్కుకుంది. లక్ష రూపాయల అప్పు కోసం స్నేహితులను సంప్రదించగా వారు సమకూర్చలేక పోయారు. అయితే, ఓ స్నేహితురాలి ఇచ్చిన సలహా మేరకు అనంతపూర్‌లో మెడికల్‌షాపు యజమాని కొమర్‌శెట్టిని సంప్రదించింది. 

కొద్దిరోజుల తర్వాత ఆమెకు ఆయన రూ.లక్ష అప్పిచ్చాడు. ప్రతినెలా వడ్డీ చెల్లించడంతోపాటు యేడాది తర్వాత అసలు మొత్తం తిరిగి ఇచ్చేస్తానని చెప్పింది. కొమర్‌శెట్టి 2016 నవంబర్‌లో ఆమెకు డబ్బు ఇచ్చాడు. రెండు రోజులు గడిచిన తర్వాత అప్పుకు సెక్యూరిటీ సంతకాలు చేసేందుకు ఇంటికి రావాలంటూ కబురు పెట్టడంతో ఆమె ఇంటికి వెళ్లింది. ఆ తర్వాత ఆమెను మాటల్లోకి దించి కూల్‌డ్రింక్‌లో నిద్రమాత్రలు కలిపి ఇచ్చాడు. 

ఈ డ్రింక్ తాగిన వెంటనే ఆమె మత్తులోకి జారుకోగానే ఆమెపై లైంగికదాడి చేశాడు. వివస్త్రగా ఉన్న ఫొటోలను సెల్‌ఫోన్‌లో చిత్రీకరించాడు. మహిళకు మెలకువ వచ్చాక జరిగిన అన్యాయం గురించి తెలిసింది. పోలీసులకు ఫిర్యాదు చేసేందుకు సిద్ధమవగా కొమర్‌శెట్టి సెల్‌ఫోన్‌లో ఫొటోలు చూపించాడు. ఫిర్యాదు చేస్తే వాటిని సోషల్‌ మీడియాలో పెడతానని బెదిరించి తనతో అనంతపూర్‌ రావాలని ఆమెను కోరాడు. 

అతని బెదిరింపుల మేరకు అనంతపూర్‌ వెళ్లగా, అక్కడ నుంచి కళ్యాణదుర్గంలో ఓ గది తీసుకొని అందులో ఆమెను ఉంచి పలుమార్లు లైంగికదాడి చేశాడు. ఆ తర్వాత ఆ కామాంధుడి కళ్లుగప్పి నగరానికి చేరి ఈనెల 19న పోలీసులకు ఫిర్యాదు చేసింది. నిందితుడిని అదుపులోకి తీసుకుని రిమాండ్‌కు తరలించారు.