Webdunia - Bharat's app for daily news and videos

Install App

విజయవాడ-గూడూరు ట్రిప్లింగ్ ... మూడో రైల్వే లైన్ ప్రారంభం

Webdunia
సోమవారం, 27 డిశెంబరు 2021 (17:26 IST)
దక్షిణ మధ్య రైల్వేలో కీలకమైన విజయవాడ - గూడూరు గ్రాండ్‌ ట్రంక్‌ మార్గం దేశంలోని దక్షిణ ప్రాంతంతో ఉత్తర, తూర్పు ప్రాంతాలను అనుసంధానించే రైలు మార్గంలో ముఖ్యమైన పాత్ర పోషిస్తుంది. ఇక్కడ నిరంతరం రైళ్ల రాకపోకలతో రద్దీ పెరగడంతో ఈ సెక్షనపై ఒత్తిడి పెరిగింది.  ప్రధానమైన ఈ రైల్వే లైన్‌లో రద్దీని నివారించడానికి ఈ మార్గంలో విద్యుదీకరణతో సహా మూడవ రైల్వే లైను పనులు న‌డుస్తున్నాయి. తలమంచి, వెంకటేశ్వరపాలెం మధ్య 24.8 కి.మీల మేర పనులు పూర్తయ్యాయి. 
 
 
దక్షిణ మధ్య రైల్వేలోని విజయవాడ`గూడూరు సెక్షన్‌లో ప్రయాణికుల సరుకు రవాణా రైళ్ల రాకపోకలు క్రమంగా పెరుగుతుండడంతో ఇక్కడ రద్దీ పెరిగింది. కీలకమైన ఈ సెక్షన్‌లో రద్దీని తగ్గించడానికి విజయవాడ - గూడూరు మధ్య 288 కి.మీల మేర రూ.3246 కోట్ల అంచనా వ్యయంతో మూడవ లైన్‌ ప్రాజెక్టు 2015`16 సంవత్సరంలో మంజూరైంది. ఈ పనులను ఆర్‌విఎన్‌ఎల్‌ వారిచే మూడు ప్యాకేజీలలో నిర్వహిస్తున్నారు. గూడురు -బిట్రగుంట మ‌ధ్య‌ 75 కి.మీలు, బిట్రగుంట-కరవది  89 కి.మీలు, కరవది`కృష్ణా కెనాల్‌ (విజయవాడ) `124 కి.మీలు. మొత్తం మూడు ప్యాకేజీలలోని పనులు ఏకకాలంలో సాగుతున్నాయి. 
 
 
రెండవ ప్యాకేజీలో ఉలవపాడు`కావలి సెక్షన్‌ మధ్య 30 కి.మీలు మేర పనులు మార్చి 2021లో  పూర్తయ్యాయి. ఇప్పుడు తలమంచి`బిట్రగుంట`వెంకటేశ్వరాపాలెం మధ్య 24.8 కి.మీల మేర పనులు పూర్తయ్యాయి. దీంతో కీలకమైన ఈ ప్రాజెక్టులో మొత్తం 54.8 కి.మీల మేర పనులు పూర్తయ్యాయి. 
 
 
దక్షిణ మధ్య రైల్వే జనరల్‌ మేనేజర్‌ గజానన్‌ మాల్య ట్రిప్లింగ్‌, విద్యుదీకరణ పనులను పూర్తి చేసిన విజయవాడ డివిజన్‌, ఆర్‌విఎన్‌ఎల్‌ సిబ్బందిని అభినందించారు. విజయవాడ ` గూడూరు ట్రిప్లింగ్‌ ప్రాజెక్టు పూర్తి కావడంతో ఈ మార్గంలో రద్దీని అధిగమించవచ్చని, ఈ మార్గంలో మరిన్ని రైళ్ల రాకపోకలను కొనసాగించేందుకు మరింత వీలు కలుగుతుందని ఆయన అభిప్రాయపడ్డారు. గ్రాండ్‌ ట్రంక్‌లో ఉన్న ఈ ప్రాజెక్టు మూడవ రైల్వే లైన్‌కు అధిక ప్రాధాన్యం ఇచ్చి పనులు చేపడుతున్నట్లు, అవి వేగవంతంగా కొనసాగుతున్నాయని ఆయన తెలిపారు.

సంబంధిత వార్తలు

అన్నీ చూడండి

టాలీవుడ్ లేటెస్ట్

Namrata: సితార ఘట్టమనేని తొలి చిత్రం ఎప్పుడు.. నమ్రత ఏం చెప్పారు?

Jaggareddy: అంతా ఒరిజిన‌ల్, మీకు తెలిసిన జెగ్గారెడ్డిని తెర‌మీద చూస్తారు : జ‌గ్గారెడ్డి

Ram Charan: శ్రీరామ‌న‌వ‌మి సంద‌ర్భంగా రామ్ చ‌ర‌ణ్ చిత్రం పెద్ది ఫ‌స్ట్ షాట్

Samantha: శుభం టీజర్ చచ్చినా చూడాల్సిందే అంటున్న స‌మంత

ఆ గాయం నుంచి ఆరు నెలలుగా కోలుకోలేకపోతున్నా : రకుల్ ప్రీత్ సింగ్

అన్నీ చూడండి

ఆరోగ్యం ఇంకా...

Hot Water: వేసవిలో వేడి నీళ్లు తాగవచ్చా? ఇది ఆరోగ్యానికి మంచిదా?

వేసవి ఎండల్లో ఈ 9 పండ్ల రసాలు తాగితే?

రక్తంలో హిమోగ్లోబిన్ స్థాయి తగ్గితే?

మనసే సుగంధం తలపే తీయందం

మెదడుకి అరుదైన వ్యాధి స్టోగ్రెన్స్ సిండ్రోమ్‌: విజయవాడలోని మణిపాల్ హాస్పిటల్ విజయవంతంగా చికిత్స

తర్వాతి కథనం
Show comments