ఏపీకి ప్రత్యేక హోదా లేదు.. అందుకే స్పెషల్ కేటగిరీ స్టేట్ అంటున్నాం: ఇంద్రజిత్ సింగ్

ఆంధ్రప్రదేశ్‌కు ప్రత్యేక హోదా ఇచ్చే విషయంపై కేంద్రం సాకులు చెప్పింది. రాజ్యసభలో ఏపీ స్పెషల్ స్టేటస్‌పై చర్చ జరిగిన సందర్భంగా హోదా ఇచ్చేది లేదని కేంద్రం మరోసారి తేల్చి చెప్పేసింది. నీతి ఆయోగ్ అమల్లోకి

ఆంధ్రప్రదేశ్‌కు ప్రత్యేక హోదా ఇచ్చే విషయంపై కేంద్రం సాకులు చెప్పింది. రాజ్యసభలో ఏపీ స్పెషల్ స్టేటస్‌పై చర్చ జరిగిన సందర్భంగా హోదా ఇచ్చేది లేదని కేంద్రం మరోసారి తేల్చి చెప్పేసింది. నీతి ఆయోగ్ అమల్లోకి రాకముందు దేశంలో 11 రాష్ట్రాలకు ప్రత్యేక హోదా ఉందని మంత్రి రావు ఇంద్రజిత్ సింగ్ తెలిపారు. ప్రత్యేక హోదా రావాలంటే.. ఎన్డీసీ అనుమతి తప్పదని స్పష్టం చేశారు. కానీ ఏపీ ప్రత్యేక హోదాకు ఎన్డీపీ ఆమోదం లభించలేదన్నారు. అందుకే ఏపీకి స్పెషల్ స్టేటస్ ఇవ్వకపోయినా... ఏపీని స్పెషల్ కేటగిరీ స్టేట్‌ అంటున్నామని చెప్పారు.

ఉత్తరాఖంఢ్ తర్వాత మరే రాష్ట్రానికి స్పెషల్ స్టేటస్ ఇవ్వలేదని.. ఎన్డీసీ ఆమోదం రాకపోవడంతోనే ఏపీని ప్రత్యేక కేటగిరీ రాష్ట్రంగా పరిగణిస్తున్నామని ఇంద్రజిత్ సింగ్ తెలిపారు. ఇంకా ఇతర రాష్ట్రాలకు అదనంగా పది శాతం నిధులిస్తున్నామని చెప్పారు. అందువల్ల ఏ రాష్ట్రానికి ప్రత్యేకహోదా ఇచ్చే ఉద్దేశ్యం కేంద్రానికి లేదని ఇంద్రజిత్ సింగ్ తేల్చి చెప్పేశారు.