తల్లిప్రేమకు మరేదీ సాటి రాదంటారు.. కన్నబిడ్డకు ఏమైనా జరిగితే తల్లిడిల్లపోతుంది తల్లి హృదయం. అది మనుషులైనా సరే జంతువులైనా సరే.. ఇక కన్నబిడ్డ కళ్లముందే చనిపోతే ఆ బాధను ఏమాత్రం తట్టుకోలేదు మాతృ హృదయం. ఇలాంటి హృదయ విదారక సన్నివేశం శనివారం తిరుమల ఘాట్ రోడ
తల్లిప్రేమకు మరేదీ సాటి రాదంటారు.. కన్నబిడ్డకు ఏమైనా జరిగితే తల్లిడిల్లపోతుంది తల్లి హృదయం. అది మనుషులైనా సరే జంతువులైనా సరే.. ఇక కన్నబిడ్డ కళ్లముందే చనిపోతే ఆ బాధను ఏమాత్రం తట్టుకోలేదు మాతృ హృదయం. ఇలాంటి హృదయ విదారక సన్నివేశం శనివారం తిరుమల ఘాట్ రోడ్‌లో చోటుచేసుకుంది.
ఘాట్ రోడ్‌ను దాటే క్రమంలో తల్లి కొండముచ్చును అతుక్కుని ఉన్న పిల్ల కొండముచ్చు జారి రోడ్డు మీద పడిపోయింది. అదే సమయంలో ఓ వాహనం క్షణకాలంలో ఆపిల్ల కొండముచ్చు పై నుంచి వెళ్లిపోయింది. అంతే క్షణాల్లో దాని ప్రాణం పోయింది.. అంతవరకు తనతోనే ఉన్న బిడ్డకు ఏమైందో తెలియక తల్లిడిల్లిపోయింది ఆ తల్లి కొండముచ్చు హృదయం.
తన బిడ్డను రోడ్డు పక్కగా తీసుకువచ్చింది. అంతవరకూ గెంతుతూ ఆడుకున్న తన చిన్నారి ఎందుకు చలనం లేకుండా ఉందో తెలియక అటుఇటు కదిపి చూస్తూ చాలాసేపు ఉండిపోయంది. ఎంతకూ బిడ్డలో కదలికలు లేకపోవడంతో వెళ్లలేక వెళ్లలేక భారంగా అక్కడనుంచి వెళ్లిపోయింది ఆ తల్లి కొండముచ్చు.