కొడుకు కంట్లో కారం కొట్టిన తల్లి.. చెట్టుకు కట్టేసి..?

గంజాయికి అలవాటు పడి, రాత్రిపగలు అనే తేడా లేకుండా మత్తులో మునిగిపోతూ.. ఊరిలో తమ పరువు తీస్తున్నాడని తల్లి కొడుకు కండ్లకు కారం పెట్టిన సంఘటన సంచలనంగా మారింది.

ఈ ఘటనకు సంబంధించిన వీడియో సామాజిక మాధ్యమాల్లో తెగ వైరల్ అవుతుంది.  వివరాల్లోకి వెళితే...  తెలంగాణ రాష్ట్రం సూర్యాపేట జిల్లా కోదాడకు చెందిన ఓ యువకుడు గంజాయికి అలవాటు పడ్డాడు. ఆ విషయం తల్లికి తెలవడంతో గంజాయి మానుకోవాలని కొడుకును హెచ్చరించింది. 

అయినా, తల్లి మాటను పట్టించుకోకుండా ఆ యువకుడు గంజాయి విషయంలో తగ్గేదేలే అంటూ స్నేహితులతో కలిసి మరింతగా అలవాటుపడి, ఊరిలోని పలు గల్లీల్లో అల్లర్లు చేస్తూ ఇష్టం వచ్చినట్టు ప్రవర్తించాడు. దీంతో ఆగ్రహానికి గురైన ఆ యువకుడికి ఆతడి తల్లి తగిన విధంగా బుద్ధి చెప్పింది. 

దీంతో ఆగ్రహించిన తల్లి.. కొడుకు ఇంటిలో ఉన్న సమయంలో వీధిలోకి తీసుకొచ్చి, అందరూ చూస్తుండగానే చెట్టుకు కట్టేసి, ఎర్రని కారాన్ని కండ్లలో పెట్టింది. 

దీంతో ఆ యువకుడు బోరుమని ఏడుస్తూ, అమ్మ మళ్లీ గంజాయి జోలికి పోనూ, నన్ను వదిలేయ్ అంటూ అరుపులు పెట్టాడు. అయినా, తల్లి కనికరించకుండా మరింత కారం పెడుతూ, కొడుకుకి సరైన బుద్ది చెప్పింది.

ఈ ఘటనను వీక్షిస్తున్న అక్కడివారు వీడియోను తీసి, సోషల్ మీడియాలో పోస్ట్ చేశారు. ఈ వీడియో నెట్టింట వైరల్ అవుతోంది.