రాజకీయ నాయకులంటే పదిమందికి ఆదర్శంగా ఉండాలి. కానీ కొంతమంది నేతల చేష్టల కారణంగా మిగిలిన రాజకీయ నాయకులకు చెడ్డ పేరు వస్తోంది. అలాంటి సంఘటనే ప్రకాశం జిల్లాలో జరిగింది. ప్రకాశం జిల్లా కనిగిరి ఎమ్మెల్యే నిర్వహించిన సాంస్కృతిక కార్యక్రమాల్లో టిడిపి కార్యకర్తలు పూటుగా మద్యం సేవించి డ్యాన్సర్లను తాకరాని చోటంతా తాకారు. స్టేజి పైన డ్యాన్సర్లను అలా ఎక్కడబడితే అక్కడ తాకుతూ వున్న నాయకుల చేష్టలను చూసిన ప్రజలు అవాక్కయ్యారు.
ప్రకాశం జిల్లా కనిగిరి నియోజకవర్గంలో రికార్డింగ్ డ్యాన్సులు జోరుగా సాగుతున్నాయి. స్థానిక ఎమ్మెల్యే బాబూరావు ఆధ్వర్యంలో జోరుగా రికార్డింగ్ డ్యాన్సులు నిర్వహించారు. ఎమ్మెల్యే దగ్గరుండి నిర్వహించిన రికార్డింగ్ డ్యాన్సులలో టిడిపి కార్యకర్తలు పూటుగా మద్యం సేవించి డ్యాన్సులతో హోరెత్తించారు. అసభ్యకరంగా డ్యాన్సులు వేస్తూ కనిపించారు. అంతటితో ఆగలేదు.
మహిళా డ్యాన్సర్లను నడుము కింద తాకరాని చోటంతా తాకారు. అక్కడున్న జనం కూడా అడ్డుచెప్పకుండా గుడ్లప్పగించి చూస్తుండటంతో డ్యాన్సర్లు కూడా పట్టించుకోలేదు. దాంతో కార్యకర్తలు మరింత రెచ్చిపోయి రెచ్చగొట్టుడు చేష్టలు చేసి డ్యాన్సు ప్రోగామును రచ్చ చేశారు.