రెండు లారీ మ‌ధ్య ఇరుక్కున్న రెండు కార్లు!

రోడ్డు యాక్సిడెంట్లు ఎప్పుడు ఎలా జ‌రుగుతాయో ఊహించ‌డం క‌ష్ట‌మే. జాతీయ ర‌హ‌దారుల‌పై అయితే, నిత్యం రోడ్డులు ర‌క్త‌సిక్త‌మే. అయితే, ముఖ్యంగా జంక్ష‌న్ల వ‌ద్ద ట్రాఫిక్ జామ్ అయి, వాహ‌నం వాహ‌నం మ‌ధ్య ఖాళీ క‌ర‌వై, నిత్యం అద్దాలు ప‌గిలే సీన్లు కామ‌న్ అయిపోతున్నాయి. 

విశాఖ జిల్లా నక్కపల్లి జంక్షన్ జాతీయ రహదారిపై ఇదే త‌ర‌హాలో పెద్ద ప్ర‌మాద‌మే త‌ప్పింది. అయితే, విచిత్రంగా రెండు లారీల మ‌ధ్య కార్లు ఇరుక్కుపోయి... ప్ర‌యాణిక‌లు అందులో చిక్కుకుపోయారు. ఎవ‌రికీ ఇంత గాయం కూడా కాక‌పోవ‌డం విశేషం. కానీ, అందులో ఇరుక్కున్న వారిని బ‌య‌ట‌కు తీయడం స్థానికుల‌కు మ‌హా యాత‌న అయిపోయింది. 

తుని నుంచి ఎలమంచిలి వైపు వెళుతున్న లారీ సడన్ బ్రేక్ వేయడంతో ఒకదాని వెంట ఒకటిగా నిలిచిపోయిన వాహనాలు ఇలా గుద్దుకున్నాయి. రెండు లారీల మధ్య ఇరుక్కుపోయిన రెండు కార్లు అందులో ఇరుక్కుపోయిన నలుగురిని స్థానికుల సహాయంతో సురక్షితంగా బయటకు తీశారు.