నలుగురు అమ్మాయిలు - ఏడుగురు అబ్బాయిలు... గర్ల్స్‌కు హెచ్ఐవీ టెస్ట్‌లు చేసి రేవ్ పార్టీ

హైదరాబాద్ నగర శివారు ప్రాంతాల్లో రేవ్ పార్టీలు యధేచ్చగా సాగుతున్నాయి. పోలీసులు ఆకస్మిక తనిఖీలు చేస్తూ రేవ్ పార్టీల గుట్టురట్టు చేస్తున్నప్పటికీ నిర్వాహకులు మాత్రం ఏమాత్రం వెనక్కి తగ్గడం లేదు. నగర శివారు ప్రాంతాల్లోని ఫామ్‌హౌస్‌లు, అతిథిగృహాలు, రెస్టారెంట్లను కేంద్రంగా చేసుకుని ఈ రేవ్ పార్టీలను నిర్వహిస్తున్నారు. 

తాజాగా మేడ్చల్ జిల్లా శామీర్ పేటలోని సెలబ్రటీ రిసార్ట్‌లో జరుగుతున్న రేవ్ పార్టీని పోలీసులు భగ్నం చేశారు. శుక్రవారం రాత్రి ఈ రిసార్టులో రేవ్ పార్టీ నిర్వహిస్తున్నట్టు పోలీసులకు సమాచారం వచ్చింది. దీంతో మఫ్టీలో అక్కడకు వెళ్లిన పోలీసులు.. రిసార్టుపై ఒక్కసారిగా దాడిచేశారు. ఇందులో మొత్తం 11 మందిని అదుపులోకి తీసుకున్నారు. నలుగురు అమ్మాయిలు.. ఏడుగురు అబ్బాయిలు ఉన్నారు. 

ఈ ఏడుగురు అబ్బాయిలు నలుగురు అమ్మాయిలతో రాత్రి 11 నుంచి రాత్రంతా ఎంజాయ్ చేస్తూ జాగారం చేసేందుకు ప్లాన్ చేసుకున్నారు. అయితే, పోలీసులకు వేకువజామున జరిపిన ఆకస్మిక తనిఖీల్లో వీరంతా అర్థనగ్నంగా కనిపించడం గమనార్హం. దీంతో అందరినీ అరెస్టు చేశారు. ఈ పార్టీలో పాల్గొన్న యువకులంతా యువ వైద్యులే కావడం గమనార్హం. పైగా, రేవ్ పార్టీకి వచ్చిన అమ్మాయిలకు హెచ్ఐవీ పరీక్షలు సైతం నిర్వహించినట్టు మెడికల్ కిట్లను పోలీసులు గుర్తించారు.