ఆమెకు 35.. ఆయనకు 60.. గట్టిగా పట్టుకుని కిందపడేసి రేప్ చేయబోయాడు... చివరకు...

పొరుగింటిలో నివశించే ఓ మహిళతో కలిసి ఇంట్లోకి వెళ్లిన పక్కింట్లో నివశించే ఓ 60 యేళ్ల వృద్ధుడు అమాంతం పట్టుకుని కిందపడేసి రేప్ చేయబోయాడు. ఈ హఠాత్‌పరిణామం నుంచి తేరుకున్న ఆమె... ఆ కామాంధుడిని గట్టిగా తోస

పొరుగింటిలో నివశించే ఓ మహిళతో కలిసి ఇంట్లోకి వెళ్లిన పక్కింట్లో నివశించే ఓ 60 యేళ్ల వృద్ధుడు అమాంతం పట్టుకుని కిందపడేసి రేప్ చేయబోయాడు. ఈ హఠాత్‌పరిణామం నుంచి తేరుకున్న ఆమె... ఆ కామాంధుడిని గట్టిగా తోసేసి.. అక్కడ నుంచి తప్పించుకుంది. దీంతో పరువు పోతుందని భావించిన 60 యేళ్ల వృద్ధుడు అపార్ట్‌మెంట్ నుంచి కిందికి దూకి ఆత్మహత్య చేసుకున్నాడు.

ముంబై నగరంలోని గోరెగాం ప్రాంతానికి చెందిన సిరిల్ (60) ఏడేళ్ల క్రితం పదవీ విరమణ చేశారు. ఇతను భార్య, కూతురితో కలిసి ఈ అపార్టుమెంట్‌లోని ఫ్లాట్‌లో నివాసముండేవాడు. ఆదివారం తన పొరుగింట్లో ఉంటున్న 35 ఏళ్ల మహిళ బయటకు వెళ్లి ఇంటికి వస్తూ లిప్టు ఎక్కింది. ఇంతలో పొరుగింటి మహిళతో మాట కలిపిన సిరిల్ ఆమెతో కలిసి లిప్టు ఎక్కాడు. 

మహిళ వెంట ఇంట్లోకి ప్రవేశించిన సిరిల్ మహిళను కిందపడేసి అత్యాచారయత్నం చేశాడు. మహిళ ప్రతిఘటించడంతో ఆమెను కొట్టి లైంగికంగా వేధించాడు. అనంతరం మహిళ కేకలు వేస్తూ ఆయన బారినుంచి తప్పించుకొని కిందకు వచ్చి ఇరుగుపొరుగువారికి చెప్పి పోలీసులకు ఫిర్యాదు చేసింది. 

ఇంతలో తప్పించుకున్న సిరిల్ ఇంటి సమీపంలోని షాపింగ్ మాల్‌కు వెళ్లి భవనంపై నుంచి కిందకు దూకి ఆత్మహత్య చేసుకున్నాడు. మహిళ ఫిర్యాదుపై కేసు నమోదు చేసుకున్న పోలీసులు అతని కోసం గాలిస్తుండగా సిరిల్ ఆత్మహత్య చేసుకున్నాడని తేలింది. మహిళ కేసు పెట్టి పరువు తీసిందనే భయంతోనే సిరిల్ ఆత్మహత్య చేసుకున్నాడని పోలీసులు చెప్పారు.