దేశ వ్యాప్తంగా ఎన్నికల హడావుడి మొదలైంది. ఇన్నాళ్లూ ఓటరులకు దూరంగా ఎక్కడో కాలం వెళ్లబుచ్చేసిన నాయకులు ఓటరు మహాశయులను వెదుక్కునే సమయం ఆసన్నమైపోయింది. అందులోభాగంగా ఎన్నో ప్రలోభాలు. ఎన్నో ప్రచార ఆర్భాటాలు ఉంటాయనేది జగమేరిగిన సత్యమే.
అందుకే వాటన్నింటికీ అడ్డుకట్ట వేయాలనే ఉద్దేశ్యంతో కర్నూలు జిల్లా డోన్‌ మండలంలోని ఉడుములపాడు గ్రామానికి చెందిన యువకులు మరియు గ్రామాభివృద్ధి స్వచ్ఛంద సంస్థ సభ్యులు వినూత్న తరహాలో మా ఓటు పొందాలంటే ముందు ఈ సమస్యలు తీర్చాలి అంటూ విన్నవిస్తున్నారు. గ్రామానికి రావాల్సినవి - కావాల్సినవేవో వివరిస్తూ ఒక పెద్ద బ్యానర్‌‌ని ఏర్పాటు చేశారు.
మరి... నేతలేమీ తక్కువ కాదు కదా... ఏం చేయబోతారో చూద్దాం...