Webdunia - Bharat's app for daily news and videos

Install App

35 ఏళ్ల ఉద్యోగ జీవితం ఎంతో సంతృప్తినిచ్చింది... లింగరాజు పాణిగ్రాహి

అమరావతి: 35 ఏళ్ల ఉద్యోగ జీవితం ఎంతో సంతృప్తినిచ్చిందని ప్రభుత్వ స్పెషల్ చీఫ్ సెక్రటరీ లింగరాజు పాణిగ్రాహి తెలిపారు. ఉద్యోగ విమరణ సందర్భంగా సచివాలయంలోని మొదటి బ్లాక్‌లో నిర్వహించిన కార్యక్రమంలో ప్రభుత్వ స్పెషల్ చీఫ్ సెక్రటరీ లింగరాజు పాణిగ్రాహిని సచివ

Webdunia
శుక్రవారం, 29 డిశెంబరు 2017 (17:44 IST)
అమరావతి: 35 ఏళ్ల ఉద్యోగ జీవితం ఎంతో సంతృప్తినిచ్చిందని ప్రభుత్వ స్పెషల్ చీఫ్ సెక్రటరీ లింగరాజు పాణిగ్రాహి తెలిపారు. ఉద్యోగ విమరణ సందర్భంగా సచివాలయంలోని మొదటి బ్లాక్‌లో నిర్వహించిన కార్యక్రమంలో ప్రభుత్వ స్పెషల్ చీఫ్ సెక్రటరీ లింగరాజు పాణిగ్రాహిని సచివాలయ సాధారణ పరిపాలన, ఇతర శాఖల ఉద్యోగులు ఆయనను శుక్రవారం ఘనంగా సన్మానించారు. ఈ సందర్భంగా ప్రభుత్వ స్పెషల్ చీఫ్ సెక్రటరీ లింగరాజు పాణిగ్రాహి మాట్లాడుతూ, నిబద్ధత కలిగిన ఉద్యోగులతో కలిసి పనిచేయడం అదృష్టంగా భావిస్తున్నానన్నారు. 
 
నవ్యాంధ్ర ప్రదేశ్ నూతన సచివాలయ నిర్మాణంలో పాలుపంచుకోవడం తనకు ఎంతో ఆనందం కలిగించిందన్నారు. ప్రపంచంలోనే అత్యున్నత సచివాలయం ఏపీలో ఉందన్నారు. ఉద్యోగులంతా ఇష్టపడి, కష్టపడి పనిచేయాలని సూచించారు. విధి నిర్వహణలో క్రమశిక్షణ పాటించడం ఎంత ముఖ్యమో మంచి ఆరోగ్యం కలిగి ఉండటం కూడా అంతే ముఖ్యమని ప్రభుత్వ స్పెషల్ చీఫ్ సెక్రటరీ లింగరాజు పాణిగ్రాహి తెలిపారు. 
 
సీఎం చంద్రబాబు నాయుడు భవిష్యత్ తరాల అభ్యున్నతికి ముందుచూపుతో పనిచేస్తున్నారన్నారు. ఆయనతో కలిసి పనిచేయడం తనకు సంతోషం కలిగిస్తోందన్నారు. 35 ఏళ్ల నాలుగు నెలల ఉద్యోగ జీవితం ఎంతో సంతృప్తినిచ్చిందని, సంతోషంగా వెళుతున్నానని అన్నారు. ప్రస్తుత పొలిటిక్ కార్యదర్శి నాగులాపల్లి శ్రీకాంత్ విశ్వకర్మలా పనిచేస్తున్నారని కొనియాడారు. విధి నిర్వహణలో తనకు చేదోడువాదోడుగా ఉన్నవారిందరికీ ప్రభుత్వ స్పెషల్ చీఫ్ సెక్రటరీ లింగరాజు పాణిగ్రాహి కృతజ్ఞతలు తెలియజేశారు. 
 
పొలిటికల్ కార్యదర్శి నాగులాపల్లి శ్రీకాంత్ మాట్లాడుతూ, సుదీర్ఘ పరిపాలన అనుభవం కలిగిన ప్రభుత్వ స్పెషల్ చీఫ్ సెక్రటరీ లింగరాజు పాణిగ్రాహితో కలిసి పనిచేయడం తన అదృష్టమన్నారు. సచివాలయ భవన నిర్మాణంలో ఆయన సేవలు మరువలేనివన్నారు. సెక్రటరీ సర్వీసెస్ గోపాలకృష్ణ ద్వివేది, కమిషనర్ ఆఫ్ ఎంక్వైరీ పి.కె.సారంగి మాట్లాడుతూ, ప్రభుత్వ స్పెషల్ చీఫ్ సెక్రటరీ లింగరాజు పాణిగ్రాహి సేవలను కొనియాడారు. అంతకుముందు ప్రభుత్వ స్పెషల్ చీఫ్ సెక్రటరీ లింగరాజు పాణిగ్రాహిని పొలిటికల్ సెక్రటరీ నాగులాపల్లి శ్రీకాంత్, సెక్రటరీ సర్వీసెస్ గోపాలకృష్ణ దివ్వేది, కమిషనర్ ఆఫ్ ఎంక్వైరీ పి.కె.సారంగితో పాటు పలువురు ఉద్యోగులు శాలువాలు కప్పి పుష్పగుచ్చాలు అందజేసి ఘనంగా సత్కరించారు.

సంబంధిత వార్తలు

అన్నీ చూడండి

టాలీవుడ్ లేటెస్ట్

కేన్సర్ సోకి రూపురేఖలే మారిపోయిన కేజీఎఫ్ నటుడు

మంచి విషయం గురించి చెప్పినా విమర్శలు తప్పట్లేదు : హీరో నాని

'ఫ్లూటు జింక ముందు ఊదు.. సింహం ముందు కాదు'... రజనీకాంత్

సినీ నిర్మాణ కార్మికులకు వేతనాలు పెంచిన తెలుగు ఫిల్మ్ చాంబర్

Balakrishna: బాలకృష్ణకు సత్కారం.. సీఎం సహాయ నిధికి రూ.50 లక్షల విరాళం- ప్రముఖుల కితాబు (video)

అన్నీ చూడండి

ఆరోగ్యం ఇంకా...

జాతీయ దగ్గు దినోత్సవం: డాక్టర్ రెడ్డీస్ సహకారంతో భారతదేశంలో దగ్గుపై అవగాహన

మహిళా విభాగానికి ప్రచార ముఖచిత్రంగా కృతి సనన్‌ను నియమించిన క్యాంపస్ యాక్టివ్‌వేర్

ఆరోగ్యకరమైన జీర్ణవ్యవస్థ కోసం బాదం తినండి

పేషెంట్-సెంట్రిక్ ఇమేజింగ్‌లో విప్లవాత్మక మార్పులు తీసుకురానున్న శామ్‌సంగ్ ఇండియా

మతిమరుపు సమస్యను వదిలించుకోవాలంటే ఏం చేయాలి?

తర్వాతి కథనం
Show comments