పెళ్లి చేసుకుంటానని కడుపు చేశాడు.. ఇపుడు ముఖం చాటేస్తున్నాడు...

ఓ కామాంధుడు చేతిలో మరో యువతి మోసపోయింది. పెళ్లి చేసుకుంటానని ప్రేమించాడు. ఆ తర్వాత కాబోయే భార్యాభర్తలమంటూ సహజీవనం చేస్తూ కడుపు చేశాడు. తీరా... పెళ్లి చేసుకోమని నిలదీయడంతో ముఖం చాటేశాడు. దీంతో తాను మోసపోయానని గ్రహించిన ఆ యువతి బంజారా పోలీసులకు ఫిర్యాదు చేసింది. 

తాజాగా వెలుగులోకి వచ్చిన ఈ వివరాలను పరిశీలిస్తే, హైదరాబాద్ యూసుఫ్‌గూడ సమీపంలోని ఎల్.ఎన్.నగర్‌లో 26 యేళ్ళ యువతి నివాసం ఉంటోంది. ఈమె స్థానికంగా ఉండే ఓ బీమా కంపెనీలో పనిచేస్తోంది. అదే ప్రాంతానికి చెందిన షేక్ సమీర్ అనే వ్యక్తి పరిచయం పెంచుకుని ప్రేమించాడు.

ఆ తర్వాత పెళ్లి చేసుకుంటామని చెప్పి ఆ యువతిని నమ్మించాడు. దీంతో ఆ యువతి తొందరపడి అతనితో కలిసి సహజీవనం చేసింది. తీరా గర్భం రావడంతో పెళ్లి చేసుకోమని ఒత్తిడి చేసింది. కానీ ఆ యువకుడు పెళ్ళి చేసుకునేది లేదని తెగేసి చెప్పాడు. దీంతో బాధిత యువతి పోలీసులను ఆశ్రయించింది. 

తనకు కడుపు చేసి ఇంకో పెళ్లి చేసుకునేందుకు ప్రయత్నిస్తున్నాడని పేర్కొంది. ఈ విషయమై నిలదీయడంతో ఆమె వ్యక్తత్వం మంచిది కాదంటూ నిందలు వేస్తున్నాడని ఆరోపించింది. దీనిపై పోలీసులు నిందితుడు సమీర్‌పై ఐపీసీ 493, 420 సెక్షన్ల కింద కేసు నమోదు చేసి దర్యాప్తు చేపట్టారు.