Webdunia - Bharat's app for daily news and videos

Install App

అనామకుని ఖాతాలో రూ.17 కోట్లు.. బయటపెట్టిన ఐటీ శాఖ

ఒకే ఖాతా ద్వారా చెల్లింపులు నిర్వహిస్తూ పన్నులు ఎగ్గొడుతున్న వైనమిది. హైదరాబాద్‌ కేంద్రంగా జరుగుతున్న ఈ బాగోతంపై ఆదాయపన్నుశాఖ మరింత లోతుగా దర్యాప్తు జరుపుతోంది. ఈ మేరకు ఆ శాఖ మంగళవారం సాయంత్రం ఒక ప్ర

Webdunia
గురువారం, 16 మార్చి 2017 (12:07 IST)
ఒకే ఖాతా ద్వారా చెల్లింపులు నిర్వహిస్తూ పన్నులు ఎగ్గొడుతున్న వైనమిది. హైదరాబాద్‌ కేంద్రంగా జరుగుతున్న ఈ బాగోతంపై ఆదాయపన్నుశాఖ మరింత లోతుగా దర్యాప్తు జరుపుతోంది. ఈ మేరకు ఆ శాఖ మంగళవారం సాయంత్రం ఒక ప్రకటన విడుదల చేసింది. గత ఏడాది నవంబరు 8న కేంద్ర ప్రభుత్వం నోట్ల రద్దు ప్రకటించిన తర్వాత హైదరాబాద్‌ నాంపల్లిలోని ఒక బ్యాంకు ఖాతాలో రూ.17 కోట్లు జమ అవడాన్ని ఆదాయపన్ను అధికారులు గమనించారు. 
 
ఖాతాదారుడిని పిలిచి విచారిస్తే ఆ డబ్బుతో తనకు ఎలాంటి సంబంధంలేదని, ఆ ఖాతా తన మిత్రుడు నిర్వహిస్తుంటాడని వెల్లడించాడు. అతను చెప్పిన వివరాల ప్రకారం డబ్బు జమ చేసిన వ్యక్తిని పిలిచి విచారించారు. ఆ వ్యక్తి ముక్తియార్‌గంజ్‌లో ధాన్యం వ్యాపారుల వద్ద లెక్కలు రాసే వాడని తేలింది. అతణిని ఆదాయపన్ను అధికారులు మరింత లోతుగా విచారించినప్పుడు ఆశ్చర్యకరమైన అంశాలు బయటపడ్డాయి. 
 
అతడి ఖాతాలో వేసినట్టే ముక్తియార్‌గంజ్‌, మహారాజగంజ్‌, బేగంబజార్‌లలోని వివిధ రకాల వ్యాపారులు ఎవరో ఒక అనామకుడి ఖాతాలో పెద్దమొత్తంలో నగదు జమ చేస్తున్నారు. ఆ వెంటనే నగదును లాతూర్‌, ఉద్గిరి, అకోల తదితర ప్రాంతాల్లోని సరఫరాదారుల ఖాతాల్లోకీ ఆర్టీజీఎస్‌ ద్వారా మళ్ళిస్తున్నారు. డబ్బు ముట్టిన వెంటనే సరఫరాదారులు హైదరాబాద్‌లోని వ్యాపారులకు సరుకు పంపిస్తున్నారు. 
 
ఈ సరుకుకు ఎలాంటి పన్నులు చెల్లించకుండా ఇక్కడ అమ్మేసుకుంటున్నారు. వాస్తవానికి ఏ వ్యాపారికి సరుకు కావాలంటే అదే వ్యాపారి తన ఖాతాద్వారా నగదు చెల్లించాలి. అదే వ్యాపారి పేరుతో సరుకు సరఫరా జరగాలి. కాని ఇక్కడ నగదు బదిలీ అయ్యే ఖాతాకి, సరుకు సరఫరా అయ్యే వ్యాపారులకు ఎలాంటి సంబంధంలేదు. ఇదంతా పన్ను తప్పించుకునే అక్రమ వ్యాపారంగానే ఆదాయపన్ను శాఖ తేల్చింది. ఇలాంటి ఖాతాలు, వ్యాపారులు ఇంకా అనేక మంది ఉన్నట్లు గుర్తించిన అధికారులు దర్యాప్తు ముమ్మరం చేశారు.
అన్నీ చూడండి

టాలీవుడ్ లేటెస్ట్

లంచ‌గొండుల‌పై సేనాప‌తి స్వైర విహారం భారతీయుడు 2’ ట్రైలర్

శాపనార్థాలు పెట్టిన రేణూ దేశాయ్.. వారికి చెడు కర్మ ఖచ్చితం... ఎవరికి?

బాలీవుడ్ వైపు మళ్లిన హీరోయిన్.. మృణాల్ ఠాకూర్ వర్సెస్ శ్రీలీల

మా నాన్న కూడా ఇంత ఖర్చు పెట్టి సినిమా తీయలేదు : బడ్డీ మూవీ హీరో అల్లు శిరీష్

ఆది సాయికుమార్ విజువ‌ల్ వండ‌ర్ ష‌ణ్ముఖ షూటింగ్ పూర్తి

అన్నీ చూడండి

ఆరోగ్యం ఇంకా...

జుట్టు ఊడిపోతుందా? ఇవి కూడా కారణం కావచ్చు

బెండ కాయలు ఎందుకు తినాలో తెలుసా?

పాలుతో చేసే టీ తాగితే కలిగే ప్రయోజనాలు ఏమిటి?

పచ్చిమిరపకాయలను నానబెట్టిన నీటిని తాగితే?

పిల్లలు, మహిళలు పిస్తా పప్పులు తింటే?

తర్వాతి కథనం
Show comments