ప్రేమిస్తున్నానని ఓ యువతితో సహజీవనం.. ఆమె స్నేహితురాలిని కూడా?

ప్రేమ పేరిట మోసాలు, నేరాలు పెరిగిపోతున్నాయి. ఓ యువతిని ప్రేమ పేరుతో లోబరుచుకుని.. నమ్మించి సహజీవనం చేస్తున్న యువకుడిని.. ఆమె స్నేహితురాలితో ప్రేమాయణం సాగించాడు. అంతే అడ్డంగా దొరికిపోయాడు. ఈ ఘటన హైదరాబ

ప్రేమ పేరిట మోసాలు, నేరాలు పెరిగిపోతున్నాయి. ఓ యువతిని ప్రేమ పేరుతో లోబరుచుకుని.. నమ్మించి సహజీవనం చేస్తున్న యువకుడిని.. ఆమె స్నేహితురాలితో ప్రేమాయణం సాగించాడు. అంతే అడ్డంగా దొరికిపోయాడు. ఈ ఘటన హైదరాబాద్, బంజారాహిల్స్‌లో చోటుచేసుకుంది. 

వివరాల్లోకి వెళితే.. రోడ్ నంబర్ 12లోని శ్రీరాంనగర్‌లో ఉంటున్న ప్రేమ్ కుమార్ (26) నిరుద్యోగి. అతనికి నాలుగు నెలల క్రితం స్రవంతి అనే స్థానికురాలితో పరిచయం ఏర్పడింది. అది ప్రేమకు దారితీసింది. స్రవంతిని పెళ్లి చేసుకుంటానని ప్రేమ్ కుమార్ నమ్మబలకడంతో, ఆమె అతనితో సహజీవనం చేస్తోంది.

ఇంతలో స్రవంతి స్నేహితురాలు ప్రియా చౌదరిపై ప్రేమ్ కుమార్ కన్నేశాడు. ఇంటికి వచ్చి వెళ్తుండే ప్రియా చౌదరిని మాయమాటలు చెప్పి లోబరుచుకున్నాడు. ఈ విషయం స్రవంతికి తెలియడంతో నిలదీసింది. దీంతో ఆమెపై దాడి చేసిన ప్రేమ్, తీవ్రంగా కొట్టడంతో పాటు చంపేస్తానని బెదిరింపులకు పాల్పడ్డాడు. దీంతో ఆమె పోలీసులను ఆశ్రయించగా, కేసు నమోదు చేసిన పోలీసులు, ప్రేమ్‌ను అదుపులోకి తీసుకున్నారు.