దేశ వ్యాప్తంగా హోలీ సంబరాలు... దుష్టశక్తులకు పరాభవం తప్పదని చంద్రబాబు వ్యాఖ్య

దేశ వ్యాప్తంగా హోలీ సంబరాలు జరుగుతున్నాయి. ఈ పండుగను పురస్కరించుకుని ఆంధ్రప్రదేశ్ ముఖ్యమంత్రి చంద్రబాబునాయుడు తెలుగు ప్రజలకు హోలీ శుభాకాంక్షలు తెలిపారు. ఈ సందర్భంగా ఆయన మాట్లాడుతూ.. హోలీ వేడుక ప్రతి త

దేశ వ్యాప్తంగా హోలీ సంబరాలు జరుగుతున్నాయి. ఈ పండుగను పురస్కరించుకుని ఆంధ్రప్రదేశ్ ముఖ్యమంత్రి చంద్రబాబునాయుడు తెలుగు ప్రజలకు హోలీ శుభాకాంక్షలు తెలిపారు. ఈ సందర్భంగా ఆయన మాట్లాడుతూ.. హోలీ వేడుక ప్రతి తెలుగు ఇంట సంతోషాలు నింపాలని ఆకాంక్షించారు. 

దుష్టశక్తులు ఎన్నడూ విజయం సాధించలేవనడానికి హోలీ వేడుక నిదర్శనమని గుర్తు చేశారు. ప్రహ్లాదుడిని అంతమొందించాలనుకున్న హిరణ్య కశిపుడి సోదరి హోలిక తానే మంటల్లో ఆహుతైందన్నారు. ప్రకృతితో మమేకమైన ఈ వేడుకలో కృత్రిమ రంగులు వాడొద్దని, సహజ రంగులనే ఉపయోగించాలని పిలుపునిచ్చారు.