ఎంపీ కేశినేని నానికి మాజీ ఎమ్మెల్యే జ‌లీల్ ఖాన్ వ‌ర్గీయుల మ‌ద్ద‌తు

విజ‌య‌వాడ ఎంపీ కేశినేని నాని నాయ‌క‌త్వాన్ని కొంద‌రు వ్య‌తిరేకిస్తుండ‌గా, మాజీ మంత్రి జ‌లీల్ ఖాన్ వ‌ర్గీయులు మాత్రం ఆయ‌న్ని స‌పోర్ట్ చేస్తున్నారు. కేశినేని భవన్లో విజయవాడ పార్లమెంటు సభ్యులు కేశినేని శ్రీనివాస్(నాని) గారిని పశ్చిమ నియోజకవర్గ మాజీ ఎమ్మెల్యే జనాబ్ జలీల్ ఖాన్, మాజీ కార్పొరేటర్ ఖాదర్ మర్యాద పూర్వకంగా కలిశారు. 

విజ‌య‌వాడ ఎంపీ కేశినేని నాని పార్టీ అధ్యక్షుడు అచ్చెన్నాయుడు ప‌శ్చిమ నియోజ‌క‌వ‌ర్గ టీడీపీ ఇన్ ఛార్జిగా నియ‌మించారు. దీనిని ఒక వ‌ర్గం నాయ‌కులు వ్య‌తిరేకిస్తున్నారు. ముఖ్యంగా బుద్ధా వెంక‌న్న‌, నాగుల్ మీరా త‌దిత‌రులు ఎంపీ కేశినేనిని ఇంచార్జిగా నియ‌మించ‌వ‌ద్ద‌ని పార్టీకి నిర‌స‌న తెలిపారు. వారి మ‌ద్ద‌తు దారులు విజ‌య‌వాడ‌లో ఎంపీ కేశినేని నాని కార్యాల‌యం వ‌ద్ద‌కు వ‌చ్చి మ‌రీ నిర‌స‌న తెలిపారు. అయితే, దీనికి విరుద్ధంగా మాజీ ఎమ్మెల్యే జ‌లీల్ ఖాన్ నిర్ణ‌యం తీసుకున్నారు. ఎంపీ కేశినేనికి త‌న మ‌ద్ద‌తు తెలిపారు.

ఈ సందర్భంగా జలీల్ ఖాన్ మాట్లాడుతూ, ఎంపీ కేశినేని నాని నాయకత్వంలో పశ్చిమ నియోజకవర్గంలో టీడీపీని మరింతగా బలోపేతం చేసి, 2024 ఎన్నికల్లో టీడీపీ జండా ఎగరేస్తామని తెలిపారు.