ఏలూరులో ఆరేళ్ళ చిన్నారిని ఓ కామాంధ వలంటీరు కాటేశాడు. తన బంధువే కదా అని చిన్నారిని పంపిస్తే ఈ దారుణానికి పాల్పడ్డాడు. ఈ వ్యవహారంపై దిశ పోలీస్ స్టేషనులో ఫిర్యాదు చేశారు. ఈ కేసు వివరాలను పరిశీలిస్తే,
ఏలూరుకు చెందిన ఓ కుటుంబంలోని వ్యక్తి అనారోగ్యం పాలయ్యాడు. ఆయన్ను ఏలూరు ప్రభుత్వాసుపత్రిలో చేర్పించి, తమ ఆరేళ్ళ కుమార్తెను మేనమామ కుమారుడు శ్రవణ్ కుమార్ వద్ద అప్పగించారు. కానీ, ఆ చిన్నారిపై కీచకుడి కన్నుపడింది. లైంగిక వేధింపులకు గురిచేశాడు. ఈ ఘటన జరిగి మూడు నెలలు అయింది.
అయితే, ఇటీవలి కాలంలో చిన్నారి ఆ కామాంధుడుని చూసినపుడల్లా భయంతో వణికిపోసాగింది. దీంతో ఆ చిన్నారి వద్దా ఆరా తీయగా అసలు విషయం వెలుగులోకి వచ్చింది. ఆ తర్వాత పోలీసులకు ఫిర్యాదు చేశారు. దీనిపై కేసు నమోదు చేశారు. పోలీసులు కేసు నమోదు చేసి విచారణ జరుపుతున్నారు.