కర్నాటక సీఎం కుమారస్వామి కోడలిగా బెజవాడ అమ్మాయి

కర్నాటక ముఖ్యమంత్రి హెచ్.డి కుమారస్వామి కోడలిగా తెలుగింటి అమ్మాయి వెళ్లనుంది. కుమారస్వామి తనయుడు నిఖిల్ గౌడకు బెజవాడ అమ్మాయితో పెళ్లి చేయాలని ఆయన భావిస్తున్నారు. అన్నీ అనుకున్నట్టు జరిగితే బెజవాడ అమ్మ

కర్నాటక ముఖ్యమంత్రి హెచ్.డి కుమారస్వామి కోడలిగా తెలుగింటి అమ్మాయి వెళ్లనుంది. కుమారస్వామి తనయుడు నిఖిల్ గౌడకు బెజవాడ అమ్మాయితో పెళ్లి చేయాలని ఆయన భావిస్తున్నారు. అన్నీ అనుకున్నట్టు జరిగితే బెజవాడ అమ్మాయి కర్నాటక సీఎం ఇంటి కోడలిగా అడుగుపెట్టనుంది.

శుక్రవారం ఉదయం తన కుటుంబ సభ్యులతో కలిసి నగరానికి వచ్చిన కుమారస్వామి.. తొలుత ముఖ్యమంత్రి చంద్రబాబు నాయుడుతో సమావేశమయ్యారు. ఆ తర్వాత ప్రముఖ పాదరక్షల కంపెనీ యజమాని కుమార్తెను చూసేందుకు కుమారస్వామి సతీసమేతంగా వెళ్ళారు. కుమారస్వామి వెంట మాజీ ఎంపీ లగడపాటి రాజగోపాల్‌, రఘురామ కృష్ణంరాజు తదితరులు ఉన్నారు.

పాదరక్షల కంపెనీ యజమాని ఇంట్లోనే కుమారస్వామి దంపతులు భోజనం చేశారు. పాదరక్షల కంపెనీ యజమాని కుమార్తెకు, కుమారస్వామి కొడుకు నిఖిల్‌కు రెండేళ్ల క్రితమే బెంగళూరులో పరిచయం ఏర్పడినట్లు సమాచారం. దీంతో వీరిద్దరికీ వివాహం చేసేందుకు ఇరు కుటుంబాల పెద్దలు నిర్ణయించినట్లు తెలిసింది. అందులో భాగంగా కుమారస్వామి శుక్రవారం కాబోయే కోడలిని చూసుకునేందుకు విజయవాడ వచ్చారు. 

కాగా, నిఖిల్‌ గౌడ.. దేవగౌడకు ముద్దుల మనవడు. కన్నడ, తెలుగు భాషల్లో నిర్మితమైన 'జాగ్వార్‌' సినిమాతో 2016లో నిఖిల్‌ హీరోగా తెరంగేట్రం చేశారు. భారీ ఖర్చుతో ఈ సినిమాను కుమారస్వామి స్వయంగా నిర్మించారు. ప్రస్తుతం నిఖిల్‌ రెండు కన్నడ సినిమాల్లో హీరోగా నటిస్తున్నారు. అన్నీ సమక్రంగా జరిగితే నిఖిల్‌కు బెజవాడ అమ్మాయికి మధ్య పెళ్లి జరుగనుంది.