వైసీపీ అధినేత జగన్ మోహన్ రెడ్డి సంచలన విజయంతో భారీ వసూళ్లతో ప్రదర్శించబడుతున్న అవేంజర్స్ ఎండ్ గేమ్ సినిమాకి కుటుంబ సభ్యులతో వెళ్లారు. దీనిపై ముఖ్యమంత్రి చంద్రబాబు నాయుడు సెటైర్లు పేల్చారు.
ఇంతకీ ఏం జరిగిందంటే... ఫోనీ తుఫాన్ సహాయకచర్యలపై సీఎం బాబు సమీక్ష సమావేశం నిర్వహించి పరిస్థితిని మీడియాతో చెప్పారు. ఈ సందర్భంగా ఓ విలేకరి జగన్ మోహన్ రెడ్డి హైదరాబాదులో సినిమా చూడటాన్ని సీఎం దృష్టికి తెచ్చారు. దీనితో బాబు మాట్లాడుతూ... ' ఆయన సినిమాకి వెళ్తే వెళ్లనివ్వండి. అక్కడి ప్రభుత్వం ఆయన్ని బాగా చేసుకుంటుంది. ఇక్కడుండి ఆయన చూసేది లేదు, చేసేది లేదు. మనవాళ్లంతా ఇక్కడుండి ఓట్లు వేసేవాళ్లూ... ఆయనేమో అక్కడుండి హ్యాపీగా ఎంజాయ్ చేయడమూను. కేసీఆర్ ప్రభుత్వం... ఆయనకి మంచి ప్రొటెక్షన్, ఎంజాయ్ చేయనివ్వండి'' అన్నారు.
కొసమెరుపుగా... ఆయన అవేంజర్స్ ఎండ్ గేమ్ చూశారు కానీ ఇక్కడ ఈ గేమ్ మాత్రం ఎండ్ కాదుగా అంటూ చెప్పారు.