జనసేన పార్టీ విజయోత్సవ వేడుకలో జనసేన పార్టీ అధ్యక్షుడు, ఆంధ్రప్రదేశ్ ఉప ముఖ్యమంత్రి పవన్ కళ్యాణ్ హిందీపై చేసిన వ్యాఖ్యలపై నటుడు ప్రకాష్ రాజ్ మరోసారి స్పందించారు. ఎక్స్ ద్వారా ప్రకాష్ రాజ్ పోస్ట్ చేస్తూ, ఎన్నికల్లో గెలవడానికి ముందు, "జనసేనాని" ఎన్నికల్లో గెలిచిన తర్వాత, "భజన సేనాని"… అంతేనా?" అంటూ తీవ్రస్థాయిలో ప్రకాష్ రాజ్ మండిపడ్డారు.
దక్షిణ భారత రాష్ట్రాలకు హిందీ విధించడాన్ని వ్యతిరేకిస్తున్నందుకు జనసేన నాయకుడు పవన్ కళ్యాణ్ మద్దతు తెలిపిన గత పోస్ట్‌లను కూడా ప్రకాష్ రాజ్ ఈ పోస్టుతో జత చేశారు. బహుభాషా విధానానికి సంబంధించి పవన్ కళ్యాణ్ ఇటీవలి ప్రకటనలను ప్రకాశ్ రాజ్ తప్పుబట్టారు. ఇంకా హిందీ భాషను ఇతరులపై రుద్దడాన్ని తిరస్కరించడం అంటే మరొక భాషను ద్వేషించడంతో సమానం కాదని అన్నారు.
మాతృభాష-సాంస్కృతిక గుర్తింపును కాపాడుకోవడం ఆత్మగౌరవానికి సంబంధించిన విషయం అని ఎవరైనా పవన్ కళ్యాణ్‌కి చెప్పండని ప్రకాష్ రాజ్ తన పోస్ట్‌లో రాశారు.