అత్యాచారం.. పెళ్లి.. ఆపై వరకట్న వేధింపులు.. చేసిందెవరో తెలుసా?

అత్యాచారం.. ఆపై పెళ్లి చేసుకుని వరకట్నం వేధింపులకు గురిచేశాడు.. ఆత్మకూరు వైకాపా సోషల్​ మీడియా డివిజన్​ కోఆర్డినేటర్ కృష్ణారెడ్డి. చివరికి ఆ యువతి హెచ్చార్సీని ఆశ్రయించింది. 

వివరాల్లోకి వెళితే.. నెల్లూరు జిల్లా మర్రిపాడు మండలం నందవరానికి చెందిన కృష్ణారెడ్డి.. వైకాపా జిల్లాకు చెందిన ఓ యువతితో ఫేస్‌బుక్‌ ద్వారా పరిచయం పెంచుకున్నాడు. అనంతరం శీతల పానీయంలో మత్తుమందు కలిపి నగ్నంగా ఫోటోలు తీసి బెదిరింపులతోపాటు అత్యాచారానికి పాల్పడ్డాడు. 

దీనిపై పోలీస్​ స్టేషన్‌లో ఫిర్యాదు చేయడంతో ఇద్దరికి పెళ్లి చేసిన పెద్దలు.. కేసును వెనక్కి తీసుకోవాలని చిత్రహింసలకు గురి చేశారు. ఇద్దరు పెళ్లి చేసుకున్న తరువాత కూడా అదనపు కట్నం కావాలంటూ వేధించడంతో హైదరాబాద్‌లో పోలీసులకు ఫిర్యాదు చేసింది. 

ఈ నేపథ్యంలో కృష్ణారెడ్డి నుంచి తనను ప్రాణహాని ఉంది.. రక్షించండి' అంటూ బాధితురాలు హెచ్​ఆర్​సీని ఆశ్రయించినట్లు కమిషన్​ సభ్యులు తెలిపారు. అయితే నిందితుడు ప్రస్తుతం పరారీలో వున్నాడు.