ఏపీ డీజీపీ - హోం కార్యదర్శికి హైకోర్టు పిలుపు

ఆంధ్రప్రదేశ్ రాష్ట్ర పోలీస్ డీజీపీ గౌతం సవాంగ్‌తో పాటు.. హోం శాఖ కార్యదర్శికి హైకోర్టు నుంచి పిలుపువచ్చింది. ఈ నెల 27వ తేదీన తమ ఎదుట హాజరుకావాల్సిందిగా ఆదేశాలు జారీచేసింది. పోలీస్ అధికారికి పదోన్నతి విషయంలో నిర్లక్ష్యంగా వ్యవహరించిన అంశంలో కోర్టు ధిక్కారం కింద ఈరోజు హాజరు కావాలని గతంలో కోర్టు ఆదేశించింది. 

ఎన్నికల విధుల్లో ఉన్నందున హాజరుకాలేమని అధికారులు అఫిడవిట్ దాఖలు చేయగా... దీనిపై కోర్టు అసంతృప్తి వ్యక్తం చేసింది. సుప్రీంకోర్టు నిర్ణయం వచ్చేవరకు అన్నీ వాయిదా వేయాలని ప్రభుత్వ ప్రధాన కార్యదర్శి కోరారని... తమరేమో ఎన్నికల విధులంటున్నారు ఎలా సాధ్యమని హోం శాఖ కార్యదర్శి, డీజీపీలను ధర్మాసనం ప్రశ్నించింది. ఈనెల 27న కోర్టుకు హాజరు కావాలంటూ డీజీపీ, హోంసెక్రటరీకి హైకోర్టు స్పష్టం చేసింది.