నిఖిలా?... వాడెవడు?.. వర్మ సెటైర్లు

నిత్యం వివాదాలను వెంటేసుకుని తిరిగే సంచలన దర్శకుడు రామ్‌ గోపాల్‌ వర్మ యువహీరో నిఖిల్‌ పై ఘాటు వ్యాఖ్యలు చేశాడు. ఒక టీవీ ఇంటర్వ్యూలో.. ''నిఖిల్‌ ఎవడో నాకు తెలియదు. నిఖిల్‌ కావచ్చు, కిఖిల్‌ కావచ్చు.. వాళ్లందరూ కూడా ఒకే కోవకు చెందినవాళ్లు. పవన్‌ కళ్యాణ్‌ కింద తొత్తులుగా ఉంటారు.

ఇలా తొత్తుల్లా ఉంటే పవన్‌ కళ్యాణ్‌కు వీళ్ల మీద ఏదో మంచి అభిప్రాయం వస్తుందని వారి ఆశ. పవన్‌ కళ్యాణ్‌కు మద్దతుగా ఉండేవాళ్ళంత ఒక భానిసత్వానికి చెందిన వాళ్ళు. బానిసత్వం బుద్ధిలో నుంచి వచ్చే ఆలోచన ఇది. నిఖిల్‌ స్టార్‌ అయ్యుండొచ్చు.. కానీ వాడు ఎవడో నాకు తెలీదు'' అని వర్మ ఘాటుగా స్పందించాడు.

ఇటీవల వర్మపై నిఖిల్‌ ఇన్‌ డైరెక్ట్‌గా కామెంట్స్‌ చేసిన విషయం తెలిసిందే. ఎక్కడా కూడా ఆర్జీవి పేరు ప్రస్తావించకుండా ''శిఖరాన్ని చూసి కుక్క ఎంత మోరిగినా.. ఆ మహా శిఖరం తల తిప్పి చూడదు.. మీకు అర్థం అయ్యిందిగా'' అంటూ నిఖిల్‌ ట్వీట్‌ చేశాడు.

నిఖిల్‌ చేసిన కామెంట్స్‌ కు వర్మ 'టిట్ ఫర్ టాట్' అన్నట్లుగా సమాధానం ఇచ్చాడని ఆయన అభిమానులు సంబరపడుతున్నారు.