కట్టుకున్న భార్య పరాయి పురుషుడుతో అక్రమ సంబంధం పెట్టుకుందన్న విషయం తెలిసిన భర్త తీవ్ర మనస్తాపంతో ఆత్మహత్య చేసుకున్నాడు. ఈ ఘటన సూర్యాపేట జిల్లాలోని మఠంపల్లి మండలం కొత్త తండాలో గురువారం వెలుగులోకి వచ్చింది. ఆత్మహత్యకు ముందు మృతుడు తీసిన సెల్ఫీ వీడియో సోషల్ మీడియాలో వైరల్‌గా మారింది.
ఈ వివరాలను పరిశీలిస్తే, మఠంపల్లి మండలలోని అల్లీపురం గ్రామానికి చెందిన తాళ్ళూరి కాంతాచారి(32) అదే మండలం కొత్త తండాలో రాయి నుంచి ఇసుక తయారీ చేసే ఫ్యాక్టరీ నిర్వహిస్తున్నాడు. ఈయనకు భార్య, ఇద్దరు పిల్లలు ఉన్నారు.
గత కొంతాకాలం నుంచి ఈయన భార్య... కాలేజీ రోజుల్లో చదువుకున్న వ్యక్తితో అక్రమ సంబంధాన్ని కొనసాగిస్తోంది. ఈ విషయం తెలిసిన కాంతాచారి పలుమార్లు మందలించినా భార్య ప్రవర్తనలో మార్పు రాలేదు.
కుటుంబ సభ్యులు ఎన్నోసార్లు నచ్చచెప్పిన వినలేదని దీంతో మానసిక వేదనకు గురైన కాంతాచారి బుధవారం రాత్రి భార్య అక్రమ సంబంధాన్ని సహించలేక కృష్ణా నదిలో దూకి ఆత్మహత్య చేసుకుంటున్నట్లు సెల్ఫీ వీడియో సోషల్ మీడియాలో పోస్ట్ చేశాడు.
ఆ వెంటనే ఆగమేఘాలపై బంధువులు, మిత్రులు వెళ్లి కాంతాచారిని రక్షించి, ఇంటికి తీసుకొచ్చారు. అప్పటికీ ఆయన మనశ్శాంతిగా ఉండలేకపోయారు. అదే రోజు రాత్రి తన సొంత శాండ్ ఫ్యాకరీలో నిద్రించి, గురువారం ఉరి వేసుకుని బలవన్మరణానికి పాల్పడ్డాడు. కాంతాచారి మృతితో గ్రామంలో విషాద ఛాయలు అలుముకున్నాయి.