విజ‌య‌వాడ నగరపాలక సంస్థ వాణిజ్య సముదాయాలు, కళ్యాణ మండపాలు, కమ్యూనిటీ హాల్స్ మొదలగు ఎస్టేట్ విభాగానికి సంబంధించిన లీజుదారులందరూ లీజులకు సంబందించిన అద్దెలు/ లీజులు అన్నీ గురువారం నుండి సత్యనారాయణపురం సర్కిల్-2 ఎస్టేట్ అధికారి వారి కార్యాలయం నందు ఏర్పాటు చేసిన ప్రత్యేక క్యాష్ కౌంటర్ నందు మాత్రమే చెల్లించాలని ఎస్టేట్ ఆఫీసర్ డా. ఎ.శ్రీధర్ తెలిపారు.
అదే విధంగా నగరపాలక సంస్థ షాపింగ్ కాంప్లెక్స్ నందలి దీర్ఘకాలిక బకాయిలు వసూలు చేయుటకై బుధవారం వన్‌టౌన్ వస్త్రలత నందు దీర్ఘకాలoగా అద్దెలు చెల్లించకుండా వ్యాపారం నిర్వహిస్తున్న వారిని గుర్తించి వారి షాపులను సిజ్ చేయుట జరిగింది.
ఈ సందర్భంలో నగరపాలక సంస్థ వాణిజ్య సముదాయాలలోని షాపుల లీజుదారులు ఎటువంటి బకాయిలు లేకుండా ప్రతి నెల అద్దెలు చెల్లించి నగరాభివృద్ధికి తోడ్పడాలని, అట్లు చెల్లించని వారిపై నిబంధనలకు అనుగుణంగా చర్యలు తీసుకుంటామ‌ని హెచ్చరించారు. రెవిన్యూ ఆఫీసర్ రాజకుమార్, రెవిన్యూ ఇన్‌స్పెక్ట‌ర్లు, సిబ్బంది పాల్గొన్నారు.