మీ ఆయన కువైట్‌లో ఉన్నాడు కదా.. ఒంటరిగా ఎలా ఉంటున్నావ్.. ఏం కోరికలు లేవా...?

నెల్లూరు జిల్లా రాపూరు పంచాయతీ కార్యదర్శి చెంచయ్య ఓ మహిళ అసభ్యంగా ప్రవర్తించినట్టు బాధిత మహిళ ఆరోపిస్తుంది. తన తండ్రి మరణ ధృవీకరణ పత్రం కోసం చెంచయ్యను సంప్రదించగా, ఆయన తన కోర్కె తీర్చాలంటూ గత రెండేళ్లుగా ఫోన్లు చేస్తూ మానసికంగా వేధిస్తున్నాడంటూ పోలీసులకు ఫిర్యాదు చేసింది. దీంతో రాపూరు పోలీసులు చెంచయ్యను అదుపులోకి తీసుకుని విచారిస్తున్నారు. 

ఇదే అంశంపై బాధిత మహిళ మీడియాతో మాట్లాడుతూ, తన తండ్రి డెత్ సర్టిఫికెట్ కోసం రాపూరు పంచాయితీ కార్యదర్శి చెంచయ్యను సంప్రదిస్తే.. ఆయన తన కోర్కెను తీర్చాలంటూ వేధిస్తున్నారని తెలిపారు. మీ ఆయన కువైట్లో ఉన్నాడు కదా ఒంటరిగా ఎలా ఉన్నావు అంటూ ఫోన్లు చేసి మనశ్సాంతి లేకుండా చేస్తున్నారని ఆమె ఆరోపించారు. 

ఈ వేధింపులు గత రెండేళ్లుగా భరిస్తున్నానని, ఇక భరించలేకే జిల్లా ఎస్పీ కార్యాలయంలో జరిగిన గ్రీవెన్స్‌ సెల్‌లో ఫిర్యాదు చేసినట్టు చెప్పారు. దీంతో రాపూరు పోలీసులు స్పందించి చెంచయ్యను అదుపులోకి తీసుకుని విచారిస్తున్నారని తెలిపారు. తనపట్ల అసభ్యంగా ప్రవర్తించిన చెంచయ్యను సస్పెండ్ చేయాలని, భవిష్యత్‌లో తనలాగా మరో మహిళకు జరగకూడాదని ఆమె కోరారు. తాను గిరిజన మహిళ కావడంతో పోలీసులకు ఫిర్యాదు చేసేందుకు ధైర్యం చేయలేకపోయానని, ఇపుడు వేధింపులు భరించలేక ఫిర్యాదు చేసినట్టు చెప్పారు.