జనసేన చీఫ్ పవన్ కళ్యాణ్‌కు వైరల్ ఫీవర్

జనసేన పార్టీ అధినేత పవన్ కళ్యాణ్ వైరల్ ఫీవర్‌తో బాధపడుతున్నారు. దీంతో బుధవారం జరగాల్సిన జనసేన పార్టీ విస్తృత స్థాయి సమావేశాన్ని ఆ పార్టీ రద్దు చేసింది. ఈ సమావేశం తదుపరి తేదీని త్వరలోనే వెల్లడిస్తామని ఆ పార్టీ తెలిపింది. 

ఇటీవల జరిగిన వారాహి నాలుగో యాత్రలోనే పవన్ అస్వస్థతకు లోనయ్యారు. అప్పటి నుంచి ఆయన వైరల్ ఫీవర్‌తో బాధపడుతున్నారు. ఈ క్రమంలో బుధవారం జరగాల్సిన పార్టీ విస్తృత స్థాయి సమావేశం రద్దు అయింది. 

వచ్చే ఎన్నికల్లో పొత్తు నేపథ్యంలో టీడీపీతో కలిసి క్షేత్ర స్థాయిలో వెళ్లే అంశంపై పార్టీ నేతలకు ఈ సమావేశంలో దిశానిర్దేశం చేయాల్సివుంది. కానీ, వైరల్ ఫీవర్‌తో బాధపడుతున్నందు ఈ సమావేశం వాయిదాపడింది. సమావేశం జరిగే తదుపరి తేదీని త్వరలోనే ప్రకటిస్తామని జనసేన పార్టీ ఒక పత్రికా ప్రకటనలో పేర్కొంది.