మా మావయ్య బాలయ్యది మచ్చలేని జీవితం : ఇన్‌సైడర్ ట్రేడింగ్‌పై నారా లోకేశ్

అమరావతిని రాజధానిగా ప్రకటించకముందే సినీ నటుడు బాలకృష్ణ, ఆయన బంధువులు కలిసి అమరావతి పరిసర ప్రాంతాల్లో 500 ఎకరాల మేరకు భూములు కొనుగోలు చేశారన్న ఆరోపణలపై టీడీపీ జాతీయ ప్రధాన కార్యదర్శి నారా లోకేశ్ స్పందించారు. ఇదే అంశంపై ఆయన తన ట్విట్టర్ ఖాతాలో ఓ పోస్ట్ చేశారు. 

"వైకాపా నాయకులు ఇంకా ప్రతిపక్షంలొనే ఉన్నాం అనుకుంటున్నారు. ఫేక్ బతుకు మారలేదు. అధికారంలోకి వచ్చిన తరువాత కూడా అసత్యాలతో కాలం నెట్టుకొస్తున్నారు. ఆంధ్రుల కలల రాజధాని అమరావతిని దెబ్బతియ్యడానికి ఇన్‌సైడ్ ట్రేడింగ్ అంటూ బురద జల్లుతున్నారు.'తండ్రి అధికారాన్ని, శవాన్ని పెట్టుబడిగా పెట్టి ఎదిగిన చరిత్ర మీ నాయకుడిది. తండ్రి ముఖ్యమంత్రిగా ఉన్నా ఏ రోజు అటు వైపు కూడా చూడకుండా స్వచ్ఛమైన మనస్సు, నీతి, నిజాయితితో ఎదిగింది మా మావయ్య బాలయ్యది. అటువంటి వ్యక్తి రాజధానిలో భూములు కొన్నారని ఆరోపణలు కాదు... దమ్ముంటే నిరూపించండి. లేక రాజధాని రైతులకు, రాష్ట్ర ప్రజలకు క్షమాపణ చెప్పండి' అంటూ ట్వీట్‌లో పేర్కొన్నారు.