తిరుపతి నిమ్మకాయల వీధిలో భవనం పడిపోయిన ఘటనలో మృతి చెందిన హారిక కుటుంబాన్ని అన్ని విధాలా ఆదుకుంటామన్నారు అటవీశాఖామంత్రి బొజ్జల గోపాలక్రిష్ణారెడ్డి. భవనం పడిపోయిన ప్రాంతాన్ని మంత్రి బొజ్జల పరిశీలించారు. అలాగే హారిక పార్థీవ దేహం వద్దకు చేరుకుని నివాళులు అర్పించారు.
ప్రభుత్వం తరపున 2 లక్షల రూపాయలు వెంటనే నష్టపరిహారాన్ని అందిస్తామని, మరో 3 లక్షల రూపాయల నష్టపరిహారాన్ని అందించేందుకు కృషి చేస్తానని మంత్రి బొజ్జల తెలిపారు. అలాగే హారిక తల్లి లతకు తిరుపతిలోని నగరపాలక సంస్థ కార్యాలయంలో అవుట్‌ సోర్సింగ్‌ ఉద్యోగంను కూడా ఇప్పిస్తామన్నారు మంత్రి బొజ్జల గోపాలక్రిష్ణారెడ్డి.