ఫీచర్ కంట్రిబ్యూటర్లకు జనసేన ఆహ్వానం...

జనసేన పార్టీ ఆధ్వర్యంలో త్వరలో ఓ మ్యాగజైన్ పత్రిక రానుంది. ఇందుకోసం ఫీచర్ కంట్రిబ్యూటర్లకు ఆహ్వానం పలుకుతోంది. ఈ మ్యాగజైన్ కోసం పని చేసేందుకు ఫీచర్ కంట్రిబ్యూటర్లను ఆహ్వానిస్తూ జనసేన ఓ ప్రకటనను జారీచేసింది. విశాఖపట్నం, రాజమండ్రి, విజయవాడ, తిరుపతి, అనంతపురం, ఖమ్మం, వరంగల్, కరీంనగర్, హైదరాబాద్ నగరాల్లో పత్రిక కోసం పనిచేసేందుకు ఫీచర్ కంట్రిబ్యూటర్లు కావాలని జనసేన కోరింది. 

అభ్యర్థులు ఏదైనా సామాజిక సమస్యను ఎంచుకుని రెండు పేజీలకు మించకుండా వ్యాసాన్ని రాసి jspmagazine@gmail.com కు పంపాలని ఓ ప్రకటనలో పేర్కొంది. ఈ లేఖతోపాటు.. పేరు, ఫోను, చిరునామా, ఇతర వివరాలను కూడా పంపించాలని కోరింది. ఈ మేరకు జనసేన పార్టీ ఓ ట్వీట్ చేసింది. జనసేన పార్టీని ప్రజల్లోకి విస్తృతంగా తీసుకెళ్లేందుకు పవన్ కళ్యాణ్ ఈ తరహా నిర్ణయం తీసుకున్నట్టు సమాచారం.