కుటుంబ కలహాలతో వివాహిత ఆత్మహత్య.. పెళ్లైన 2 రోజులకే కొత్త పెళ్ళికొడుకు సూసైడ్..?

కుటుంబ కలహాలతో వివాహిత ఉరేసుకుని ఆత్మహత్యకు పాల్పడింది. అదనపు కట్నం కోసం అత్తింటి వారే హత్యచేసి ఆత్మహత్యలా చిత్రీకరించేందుకు యత్నిస్తున్నారని మృతురాలి తల్లిదండ్రులు ఆరోపిస్తున్నారు. ఈ ఘటన జనగామ జిల్లా

కుటుంబ కలహాలతో వివాహిత ఉరేసుకుని ఆత్మహత్యకు పాల్పడింది. అదనపు కట్నం కోసం అత్తింటి వారే హత్యచేసి ఆత్మహత్యలా చిత్రీకరించేందుకు యత్నిస్తున్నారని మృతురాలి తల్లిదండ్రులు ఆరోపిస్తున్నారు.

ఈ ఘటన జనగామ జిల్లా పాలకుర్తి మండల కేంద్రంలో చోటుచేసుకుంది. బలబోయిన అనూష(22) శనివారం రాత్రి ఉరి వేసుకొని ఆత్మహత్యకు పాల్పడింది. విషయం తెలుసుకున్న పోలీసులు కేసు నమోదు చేసుకొని దర్యాప్తు చేస్తున్నారు.  

మరోవైపు కరీంనగర్‌ జిల్లాలోని సైదాపూర్‌ మండలం జాగిరిపల్లెలో ఓ విషాదం చోటుచేసుకుంది. ఆ గ్రామంలో నివసిస్తున్న అమ్మిరాజు అనే 28 ఏళ్ల వ్యక్తి ఉరివేసుకుని ఆత్మహత్య చేసుకున్నాడు. అయితే అమ్మిరాజుకు పెళ్లి జరిగి రెండు రోజులు మాత్రమే అవుతుంది. దీంతో వధూవరుల కుటుంబాల్లో విషాద ఛాయలు అలుముకున్నాయి. దీంతో బంధువులు కూడా కన్నీరుమున్నీరుగా విలపిస్తున్నారు.