నాకు అమ్మాయిల బలహీనత, ఆ గొంతు కిరణ్ రాయల్‌దేనా?

తిరుపతి జనసేన నాయకుడు కిరణ్ రాయల్ పైన లక్ష్మి అనే బాధితురాలు తీవ్ర ఆరోపణలు చేస్తున్నారు. తనవద్ద కిరణ్ రాయల్ బాగోతం మొత్తం వున్నదనీ, తన వద్ద వున్న పెన్ డ్రైవ్‌లో అతడికి చెందిన వాస్తవ రూపం వున్నదంటూ వాటిని ఒక్కొక్కటిగా లీక్ చేస్తోంది. తాజాగా బాధితురాలు లక్ష్మి విడుదల చేసిన ఓ ఆడియో క్లిప్ తీవ్ర దుమారాన్ని రేపుతోంది. అందులో వున్న వాయిస్ కిరణ్ రాయల్‌దంటూ ఆమె చెబుతోంది. ఆ ఆడియో రికార్డులో వున్న మాటలు వింటే అత్యంత జుగుప్సాకరంగా వున్నాయి.

" నాకు అమ్మాయిల బలహీనత. రోజుకో అమ్మాయితో నేను తిరుగుతాను. నా అలవాటును మార్చుకోలేను. నిన్ను బాగానే చూసుకుంటున్నాను కదా. ఇంకా నీకెందుకు బాధ. నాకు ఆ వీక్నెస్ వుంది కనుక దాన్ని నేను మానలేను. తిరుపతి జనసేన టిక్కెట్ రాదని చెప్పేసారు. కానీ కూటమి రాగానే నాకు ఏదో ఒకటి నామినేటెడ్ పదవి వస్తుంది. కనుక అప్పుడు నీ డబ్బు అంతా సెటిల్ చేస్తాను" అంటూ ఆ ఆడియో రికార్డులో వుంది. బాధితురాలు లక్ష్మి విడుదల చేసిన వాయిస్ రికార్డులో వున్నది కిరణ్ రాయల్ స్వరమేనా... కాదా అన్నది తేలాల్సి వుంది.