థ్యాంక్యూ రిఫ్రెష్‌ బ్యూటీ పేరుతో వ్యభిచారం.. త్రీసమ్ కూడా...

హైదరాబాద్‌ నగరంలో మరో వ్యభిచార గుట్టును పోలీసులు రట్టు చేశారు. థ్యాంక్యూ రిఫ్రెష్ బ్యూటీ అండ్ హెల్త్ కేర్ పేరుతో నిర్వహిస్తూ వచ్చిన ఓ మసాజ్ సెంటర్‍లో గుట్టుచప్పుడు కాకుండా సాగుతూ వచ్చిన వ్యభిచార గుట్టును పోలీసులు బహిర్గతం చేశారు. ఇక్కడ త్రీసమ్ పేరుతో (ఒక అమ్మాయి.. ఇద్దరు అబ్బాయిలు) వ్యభిచారం కూడా చేస్తున్నట్టు పోలీసులు కనుగొన్నారు. 

ఈ వివరాలను పరిశీలిస్తే, హైదరాబాద్ నగరంలోని హిమాయత్‌ నగర్‌లోని విఠల్‌వాడీ క్రాస్ రోడ్డులో రాజశేఖ్ అనే వ్యక్తి థ్యాంక్యూ రిఫ్రెష్ బ్యూటీ అండ్ హెల్త్ కేర్ అనే పేరుతో బ్యూటీపార్లల్, మసాజ్ సెంటర్ నిర్వహిస్తున్నాడు. 

ఈ కేంద్రాన్ని అడ్డాగా చేసుకుని క్రాస్ మసాజ్‌తో పాటు త్రీసమ్‌ వ్యభిచారం నిర్వహిస్తున్నట్టు పోలీసులకు పక్కా సమాచారం అందింది. దీంతో టాస్క్‌ఫోర్స్‌ బృందం స్థానిక పోలీసుల సహకారంతో ఆకస్మిక సోదాలు నిర్వహించారు. 

ఈ సోదాల్లో ముగ్గురు యువతులు, ఇద్దరు యువకులను అదుపులోకి తీసుకున్నారు. అమ్మాయిలను రెస్క్యూ హోంకు తరలించి, విటులపై కేసు నమోదు చేసి జైలుకు తరలించారు. కేసు దర్యాప్తు జరుపుతున్నారు. పరారీలో ఉన్న నిర్వహకుడి కోసం పోలీసులు గాలిస్తున్నారు.