అనంతపురం జిల్లా కదిరిలో అమానుష ఘటన జరిగింది. భార్యపై తన స్నేహితులతో కలిసి అత్యాచారానికి పాల్పడ్డాడు. మద్యం సేవించిన ఆమె భర్త మల్లేష్ అతని స్నేహితులతో కలిసి భార్య కాళ్లు, చేతులు కట్టేసి గ్యాంగ్ రేప్ కు పాల్పడ్డాడు.
ఈ ఘటన గురించి ఎవరికీ చెప్పుకోలేక బాధితురాలు రోదిస్తుండటంతో స్థానికులు ఈ విషయమై ఆరా తీయగా ఈ విషయం బయటపడింది. అంగన్ వాడీ కార్యకర్తలు అండగా నిలబడటంతో ఆమె ఈ ఘటన గురించి మీడియాకు తెలిపింది.
ఈ మేరకు పోలీసులు కేసు నమోదు చేసి, దర్యాప్తు చేస్తున్నారు. నిందితుడు మల్లేష్ గతంలో కూడా ఓ బాలికను రేప్ చేసి జైలుకు వెళ్లాడు. ‘నా భర్త, అతని స్నేహితులు నా కాళ్లుచేతులూ కట్టేసి. రేప్ చేశారు’ అంటూ ఆ ఇల్లాలు మీడియా ముందు బోరుమంది. ఈ ఘటనపై మహిళ సంఘాలు భగ్గుమంటున్నాయి. నిందితులను కఠినంగా శిక్షించాలని డిమాండ్ చేశాయి.